Voter ID Card : मतदान ओळखपत्र हे निवडणूक आयोगाद्वारे जारी केले जाते. हे अतिशय महत्त्वपूर्ण कागदपत्रं आहे. याचा सर्वात जास्त उपयोग निवडणुकीच्या वेळी मतदान करताना होतो. इतकेच नाही तर याचा ओळखपत्र म्हणून, वयाचा पुरावा म्हणून देखील वापर करतात.
जर तुमच्याकडेही मतदार ओळखपत्र असेल तर तुम्हाला त्याबाबत सर्व नियम माहिती असावेत. कारण जर तुमच्याकडून चुकून नियमांचे उल्लंघन झाले तर तुम्हाला तुरुंगात जावे लागू शकते. त्यामुळे लगेचच हा महत्त्वाचा नियम जाणून घ्या.
नुकतेच दिल्लीचे मुख्यमंत्री अरविंद केजरीवाल यांच्या पत्नीला यासाठी दंड ठोठावला आहे. होय, अरविंद केजरीवाल यांच्या पत्नी सुनीता केजरीवाल यांना दोन विविध मतदारसंघातील मतदान ओळखपत्रे बाळगल्याबद्दल दंड ठोठावला आहे. दोन मतदान कार्ड असण्याचा नियम काय आहे? जाणून घेऊया सविस्तर माहिती.
जाणून घ्या दोन मतदान कार्ड असण्याचा नियम
एकापेक्षा जास्त क्षेत्राचे मतदार ओळखपत्र ठेवले तर कलम 17 चे उल्लंघन होते. त्यामुळे अशा परिस्थितीत कोणी दोषी आढळला तर त्याला 1 वर्षांपर्यंत तुरुंगवास होऊ शकतो. अशातच आता तुमच्याकडेही दोन कार्डे असतील आणि याचे कारण असे की तुम्ही पूर्वी कुठेतरी राहत होता परंतु जागा बदलल्यामुळे तुम्हाला नवीन ओळखपत्र बनवावे लागणार आहे, परंतु तुम्ही एकच ओळखपत्र वापरत असाल तर अशा परिस्थितीत तुमच्याकडे मिळवण्यासाठी तुमचे जुने कार्ड बंद करावे लागणार आहे.
तसेच, ज्या लोकांना अनेक वेळा मतदान कसे करावे हे माहित आहे ते दोन मतदार ओळखपत्र वापरत असतात. तसेच भारतीय निवडणूक आयोगाच्या नियमांचे पालन केले नाही तर अशा लोकांना दंड भरावा लागू शकतो.
दोन मतदान कार्ड असतील तर काय करावे? जाणून घ्या
समजा तुमच्याकडे देखील दोन मतदान कार्ड असतील तर त्यासाठी तुम्हाला भारताच्या निवडणूक कार्यालयात जावे लागणार आहे. या ठिकाणी जाऊन तुम्हाला तुमचा फॉर्म क्रमांक 7 भरून सबमिट करावा लागणार आहे. इतकेच नाही तर, तुम्हाला हा फॉर्म एसडीएम, बीएलओ यांच्या कार्यालयात जमा करावा लागणार आहे.
