Yes Bank Share Price:- आज 11 ऑगस्ट 2025 वार सोमवार असून ऑगस्ट महिन्याच्या दुसऱ्या आठवड्याच्या सुरुवात झाली आहे व शेअर मार्केटची स्थिती बघितली तर सुरुवातीला थोडीशी घसरण झाली परंतु त्यानंतर मात्र बाजार सावरल्याचे दिसून येत आहे. सध्या सेन्सेक्स 346.69 अंकांनी वधारल्याचे दिसून येत असून 80203.89 वर पोहोचला आहे तर निफ्टीमध्ये देखील सकारात्मक असे परिणाम पाहायला मिळत असून निफ्टीत देखील 109.96 अंकांची वाढ झाली आहे व या वाढीसह निफ्टी 24,473.25 वर पोहोचले आहे. या सगळ्या परिस्थितीचा सकारात्मक परिणाम हा अनेक कंपन्यांचे शेअर्सवर दिसून येत आहे व याला येस बँकेचा शेअर्स देखील अपवाद नाही. येस बँकेच्या शेअर्समध्ये देखील आज 1.13 अंकांची वाढ पाहायला मिळत असून त्यामुळे गुंतवणूकदारांमध्ये नक्कीच समाधानाचे वातावरण पाहायला मिळत आहे.
11 ऑगस्ट 2025 वार सोमवार रोजीची येस बँकेच्या शेअरची स्थिती
आज 11 ऑगस्ट 2025 वार सोमवार असून मार्केट ओपन झाले तेव्हा येस बँकेचा शेअर्स 19 रुपयांवर ट्रेडिंगसाठी ओपन झाला व कालची बंद किंमत देखील 19 रुपये इतकीच होती. तसेच आजची या शेअरची नीचांकी पातळी बघितली तर ती 18 रुपये आणि उच्चांकी पातळी 19 रुपये इतकी आहे. तसेच 52 आठवड्यांची कामगिरी बघितली तर 52 आठवड्याचा उच्चांक हा 25 रुपये तर नीचांकी पातळी ही 16 रुपये इतकी आहे. सध्या येस बँकेचे मार्केट कॅप 58,818 कोटी रुपये इतकी आहे.
येस बँकेच्या शेअर्सने गुंतवणूकदारांना आतापर्यंत दिलेला परतावा
येस बँकेच्या शेअर्सने गुंतवणूकदारांना आतापर्यंत दिलेला परतावा पाहिला तर एक वर्षाच्या गुंतवणुकीवर -21.76%, सहा महिन्याच्या गुंतवणुकीवर + 0.75%, तीन महिन्याच्या गुंतवणुकीवर -6.44% तर एक महिन्याच्या गुंतवणुकीवर -5.45% इतका परतावा दिलेला आहे. गुंतवणुकीच्या बाबतीत बघितले तर एक वर्षाच्या कालावधीत मात्र गुंतवणूकदारांची अपेक्षाभंग झाल्याचे आपल्याला या आकडेवारीवरून दिसून येत आहे. परंतु आज मात्र हा शेअर्स चांगल्या पद्धतीने ट्रेड करत असून 1.13% वाढीसह 18.75 रुपयांवर पोहोचला आहे.
जून 2025 मधील येस बँकेचे शेअर होल्डिंग
येस बँकेचा शेअर होल्डिंग पॅटर्न बघितला तर या बँकेचे प्रमोटर्सकडे शून्य टक्के शेअर्स असून म्युच्युअल फंड 2.37%, इन्शुरन्स कंपनीकडे 4.09%, विदेशी गुंतवणूकदारांकडे 11.53%, वैयक्तिक गुंतवणूकदारांकडे 30.23% तर इतरांकडे 18.0% अशा प्रकारची ही शेअर होल्डिंग आपल्याला दिसून येते.
