बॉलीवूडमधील चमचमीत ग्लॅमरच्या दुनियेत स्टार किड्सची चर्चा काही थांबत नाही. कोणता ड्रेस घातला, कुठल्या पार्टीला गेला, सोशल मीडियावर काय टाकलं हे सगळं लोकांच्या नजरेत राहतंच. पण या झगमगाटामागे एक वेगळी गोष्ट असते, जी क्वचितच चर्चेत येते. ते म्हणजे त्यांचं शिक्षण. अभिनयाच्या दुनियेत पाऊल टाकण्याआधी हे स्टार किड्स किती शैक्षणिकदृष्ट्या समृद्ध आहेत, हे जाणून घेतल्यावर तुम्हालाही थोडं आश्चर्य वाटेल.
खुशी कपूर
बोनी कपूर आणि श्रीदेवी यांची लाडकी मुलगी खुशी कपूरने लहानपणापासून शिक्षणात लक्ष दिलं. तिने मुंबईतील प्रतिष्ठित धीरुभाई अंबानी इंटरनॅशनल स्कूलमधून शालेय शिक्षण पूर्ण केलं आणि त्यानंतर थेट न्यू यॉर्क फिल्म अकादमीत जाऊन अभिनय आणि सिनेमा याविषयी तंत्रशुद्ध शिक्षण घेतलं.
अनन्या पांडे
अनन्या पांडे हिचं नाव ऐकून तुम्हाला फक्त स्टाइल आणि सोशल मीडिया आठवेल, पण तिची शैक्षणिक पार्श्वभूमीही तितकीच ठोस आहे. अनन्याने धीरुभाई अंबानी स्कूलनंतर लॉस एंजेलिसमधील युनिव्हर्सिटी ऑफ सदर्न कॅलिफोर्नियामधून पदवी प्राप्त केली आहे. अभिनयात रस असतानाही तीने शिक्षणाकडे दुर्लक्ष केलं नाही.
सुहाना खान
शाहरुख खानची मुलगी सुहाना खान हिची शैली आणि आत्मविश्वास नेहमीच चर्चेत असतो. पण तिच्या या व्यक्तिमत्त्वामागे असलेली शैक्षणिक मेहनत फार कमी लोकांना माहिती असते. सुहानानेही धीरुभाई अंबानी स्कूलमधून शिक्षण घेतलं आणि नंतर न्यू यॉर्क युनिव्हर्सिटीच्या टिश स्कूल ऑफ द आर्ट्समध्ये प्रवेश घेऊन चित्रपट निर्मितीचा विशेष अभ्यासक्रम पूर्ण केला.
आर्यन खान
शाहरुख खानचा मोठा मुलगा आर्यन खान याने लंडनच्या सेव्हनॉक्स हायस्कूलमध्ये शालेय शिक्षण घेतलं. त्यानंतर त्याने युनिव्हर्सिटी ऑफ सदर्न कॅलिफोर्नियामधून टेलिव्हिजन प्रॉडक्शनमध्ये बॅचलर ऑफ फाइन आर्ट्सची पदवी घेतली. आर्यन सध्या अभिनयापेक्षा दिग्दर्शन आणि लेखन यामध्ये अधिक रस दाखवत आहे.
या सर्वांमध्ये “सर्वात जास्त शिक्षित कोण?” हा प्रश्न तुम्हाला पडल्यास, पदव्यांच्या दृष्टीने अनन्या पांडे आणि आर्यन खान यांची शैक्षणिक पातळी सर्वाधिक आहे, पण शिक्षण ही केवळ पदव्या मिळवण्याची शर्यत नसते. कोणी कला शास्त्रात पारंगत आहे, तर कोणी चित्रपट निर्मितीचा तंत्रशुद्ध अभ्यास करत आहे. या स्टार किड्सच्या यशामागे केवळ त्यांची पार्श्वभूमी नाही, तर त्यांच्या शिक्षणाचाही मोठा वाटा आहे हे नक्की.
