आजच्या घाईच्या आणि खर्चिक जीवनशैलीत बऱ्याच जणांना असा अनुभव येतो की महिना संपण्यापूर्वीच पगार संपू लागतो. नियोजन करूनही पैसे साठत नाहीत, आणि शेवटच्या आठवड्यात हातात रिकामं पाकीट आणि मनात चिंता असते. अशी परिस्थिती वारंवार उद्भवत असेल, तर केवळ खर्च कमी करणे पुरेसे नाही. भारतीय वास्तुशास्त्रात असे मानले जाते की घराच्या दिशांचेही आपल्या आर्थिक स्थितीवर प्रभाव पडतो. योग्य दिशेचा उपयोग न केल्यास पैशांची ओढाताण सुरूच राहते.
घरातील दिशा
वास्तुशास्त्रानुसार घरातील नैऋत्य आणि नैऋत्य-दक्षिण या दोन दिशा आर्थिक दृष्टिकोनातून अत्यंत संवेदनशील मानल्या जातात. या दिशेचा चुकीचा वापर किंवा दुर्लक्ष केल्यास अनावश्यक खर्च, पगार हातात न टिकणे, आर्थिक तणाव, कर्ज वाढणे अशा अडचणी निर्माण होतात. त्यामुळे ही दिशा कशी वापरायची यावर विशेष लक्ष देणे आवश्यक आहे.
हिरवा रंग
जर तुमच्या घराच्या नैऋत्य किंवा नैऋत्य-दक्षिण दिशेला हिरव्या रंगाचे वॉलपेपर, शोभेची झाडं किंवा हिरवट सजावट असेल, तर ती आर्थिक स्थैर्यात अडथळा ठरू शकते. हिरवा रंग या दिशेसाठी प्रतिकूल मानला जातो. त्यामुळे अशा सजावटीला त्वरित बाजूला ठेवावे. तसेच, या दिशेला आर्थिक कागदपत्रे, रोख रक्कम किंवा तिजोरी ठेवणे टाळावे.
वास्तुशास्त्रात या दिशेला नेहमी स्वच्छ, नीटनेटकी आणि हलक्या रंगात ठेवण्याचा सल्ला दिला जातो. क्रीम, ऑफ-व्हाइट किंवा फिकट पिवळ्या रंगाचा वापर या भागात फायदेशीर मानला जातो. अशा रंगांमुळे खर्चावर नियंत्रण राहते आणि मानसिक स्थैर्य प्राप्त होते. तसेच, घरात सकारात्मक ऊर्जा वाढते.
वास्तुशास्त्र फक्त धार्मिक मान्यता नसून, त्यामागे एक ऊर्जा संतुलनाची शास्त्रीय विचारधारा आहे. घरात काही विशिष्ट बदल केल्यास त्या जागेच्या ऊर्जेमुळे मन:स्थिती स्थिर राहते, निर्णय घेताना चुकण्याची शक्यता कमी होते आणि अशाप्रकारे आर्थिक अडचणी टाळता येतात. नैऋत्य दिशेचा योग्य वापर हा घराच्या आर्थिक आरोग्यासाठी अत्यंत महत्त्वाचा आहे.
जर तुम्हालाही वाटत असेल की पैसा टिकत नाही आणि प्रत्येक महिन्यात खर्च वाढत जातो, तर वरील वास्तु उपाय नक्की एकदा करून पाहा. हे उपाय सहज, स्वस्त आणि परिणामकारक आहेत.
