अंकशास्त्रानुसार काही विशिष्ट तारखेला जन्मलेल्या मुलींमध्ये एक विलक्षण गुणधर्म आढळतो, त्यांची बुद्धी अत्यंत तीव्र आणि धारदार असते. या मुली हुशार, हिशोबी, स्वावलंबी आणि खोडकर स्वभावाच्या असतात. त्या जे ठरवतात ते पूर्ण केल्याशिवाय शांत बसत नाहीत. बाह्य चमकांपेक्षा त्यांना स्वतःची ओळख निर्माण करणे अधिक महत्त्वाचे वाटते आणि म्हणूनच त्या स्वतःच्या मार्गाने यशस्वी होतात.
या मुलींचे विचार खूप स्पष्ट आणि वेगाने चालणारे असतात. त्यांना कोणत्या क्षणी, कोणासमोर काय बोलायचे हे अचूक माहिती असते. त्या कुठल्याही परिस्थितीत आपल्या बुद्धीचा योग्य वापर करून आर्थिकदृष्ट्या वरचढ राहतात. यामुळेच त्या मोठमोठ्या गुंतवणुकीत करोडो रुपये कमावतात आणि बिझनेस व आर्थिक जगतात आपले स्वतंत्र स्थान निर्माण करतात.
स्वभाव आणि गुण
या मुली स्वभावाने स्वतंत्र असतात. त्यांना कोणी काय म्हणालं याचा फारसा फरक पडत नाही. उलट, जर कोणी त्यांना सल्ला देऊ लागलं, तर त्या शांतपणे त्यातून स्वतःचा मार्ग काढतात. त्या स्वतःच्या विचारांच्या मागे उभ्या राहतात आणि ज्या गोष्टी त्यांना योग्य वाटतात, त्या तशाच करतात. त्यामुळे अनेकदा त्यांच्या नातेसंबंधांमध्ये तणाव निर्माण होतो. विशेषतः ज्या गोष्टीत भावना अधिक गुंतलेल्या असतात, तिथे त्यांची हट्टधर्मी वृत्ती आणि दुसऱ्याच्या मताकडे दुर्लक्ष केल्याने अंतर वाढतं.
अर्थकारणाच्या बाबतीत मात्र या मुली अत्यंत हुशार असतात. त्यांना पैशाचं मोल समजतं आणि त्याचं व्यवस्थापन कसं करायचं हे लवकरच शिकतात. त्या कुठे गुंतवणूक करावी, कुठे नको, याचा अभ्यास करून पुढे जातात. त्यांची आर्थिक जाणीव इतकी तीव्र असते की त्या अनेकदा मोठ्या मालमत्ता किंवा उद्योगात नफा कमावतात. त्यांच्या यशामागे कुठलाच चमत्कार नसतो, तर असते ती त्यांच्या मेहनतीची आणि विचारशक्तीची परिपक्वता.
अशा मुली हट्टीही असतात. एकदा ठरवलं की मग मागे वळून पाहायचं नाही, हेच त्यांचं ब्रीद असतं. त्या त्यांच्या मार्गावर कोणतीही अडचण आली तरी थांबत नाहीत. हा गुण त्यांच्या यशाचं कारण तर बनतोच, पण काही वेळा हेच हट्ट त्यांच्या व्यक्तिमत्त्वाला थोडं कठोर बनवतं. इतरांना त्या थोड्याशा आत्मकेंद्रित किंवा भौतिकवादी वाटू शकतात, पण त्यांच्या दृष्टीने ते जीवनाचं वास्तव असतं.
मुलांक 4
नातेसंबंधांच्या बाबतीत त्यांना फारसा सौम्य अनुभव येत नाही. विशेषतः जर त्या 4 नंबरच्या प्रभावाखाली जन्मलेल्या असतील, तर त्यांच्या भावंडांशी किंवा प्रेमसंबंधांत बराच विसंवाद असतो. त्यांची स्वभावाची धार आणि भावनिक अंतर यामुळे नात्यांमध्ये टिकाव लागत नाही. पण हे सगळं असूनही त्या नात्यांची किंमत समजून घेण्याचा प्रयत्न करत राहतात.
या मुलींचा आणखी एक महत्त्वाचा पैलू म्हणजे त्यांचा अध्यात्माशी असलेला गाढ संबंध. त्यांना ध्यान करायला, स्वतःत रमायला आणि आपल्या मनाशी संवाद साधायला आवडतं. इतरांना त्या कधी कधी समजतच नाहीत. पण जेव्हा त्यांना समजून घ्यायची तयारी असते, तेव्हा या मुली खोल विचारांनी समोरच्याला प्रभावित करतात.
मूलांक 7
या सर्व गुणांच्या जोडीला जर त्यांचा भाग्यशाली आकडा 7 असेल, तर त्या आयुष्यात अधिक यशस्वी ठरतात. 7 क्रमांक असलेल्या मुली योग्य वेळी योग्य निर्णय घेतात. मात्र त्याच वेळी त्या थोड्याशा चिडचिड्या स्वभावाच्या असतात. छोट्या गोष्टींना मोठं करून पाहण्याची त्यांची सवय त्यांच्या स्वतःच्या त्रासाचं कारण बनते.
नेतृत्वगुणांचा विचार केला तर त्या इतरांपेक्षा खूप पुढे असतात. त्या कुठल्याही गोष्टीत पुढाकार घेतात, निर्णय घेतात आणि जबाबदारी स्वीकारतात. त्यांचं जीवन हे एक मिशन असतं आर्थिक प्रगती, आत्मिक समाधान आणि स्वतःच्या अस्तित्वाला पूर्णत्व देणं. त्यांना पैशाची कमतरता नसते. काही वेळा त्यांना त्यांच्या सासरीकडूनही मोठा आर्थिक पाठिंबा मिळतो. त्या आलिशान गाड्या, महागडे प्रवास आणि श्रीमंती आयुष्य जगण्यातही मागे राहत नाहीत.
