काही मुली जन्मताच असा आत्मविश्वास आणि चपळ बुद्धी घेऊन येतात की त्यांच्या वाटचालीकडे पाहून इतरांनाही प्रेरणा मिळते. अंकशास्त्राच्या दृष्टीने बोलायचं झालं, तर काही विशिष्ट अंक असलेल्या मुलींमध्ये व्यवसायिक तेज आणि आर्थिक यश मिळवण्याची क्षमता अगदी जन्मत:च असते. विशेषतः ज्यांचा मूलांक 5 आहे, त्या मुली तर या बाबतीत अगदी उठून दिसतात.
मूलांक 5
मूलांक 5 असलेल्या मुली या केवळ हुशारच नसतात, तर त्या वेगाने विचार करणाऱ्या, नवे प्रयोग करण्यास उत्सुक आणि सतत काहीतरी नवीन शिकण्याचा ध्यास घेणाऱ्या असतात. त्यांचं व्यक्तिमत्त्व असं असतं की जिथे जातात तिथे लोक त्यांच्याकडे आकर्षित होतात. त्या प्रत्येक संभाषणात आत्मविश्वास प्रकट करतात. क्लायंट असो वा सहकारी, त्या अगदी सहज संवाद साधतात, ज्यामुळे व्यवसायात मोठ्या प्रमाणावर नेटवर्क तयार होतं.
या मुलींना स्वतःवर प्रचंड विश्वास असतो. त्यांच्यासमोर कितीही कठीण प्रसंग आला, तरी त्या मागे हटत नाहीत. त्यांचं धोरण म्हणजे “संधी निर्माण करा आणि त्याचा उपयोग करून स्वतःचं स्थान बनवा”. व्यवसायाच्या क्षेत्रात त्यांची निर्णय घेण्याची क्षमता, मार्केटचा अंदाज घेण्याचं कौशल्य आणि गुंतवणुकीचा नेमका विचार यामुळे त्या सतत यशाच्या शिडीवर चढत जातात.
मूलांक 5 चे खास वैशिष्ट्य
मूलांक 5 असलेल्या मुलींचं एक मोठं वैशिष्ट्य म्हणजे त्यांचं मल्टीटास्किंग कौशल्य. त्या एकाच वेळी घर, ऑफिस, आणि सामाजिक जबाबदाऱ्या अतिशय उत्तम प्रकारे सांभाळतात. त्यांना वेळेचं आणि नियोजनाचं उत्कृष्ट भान असतं. त्यांच्या प्रत्येक कृतीत व्यावसायिक दृष्टिकोन दिसतो आणि त्यामुळे त्या इतरांपेक्षा नेहमी एक पाऊल पुढे असतात.
प्रवासाची आणि नव्या गोष्टी शोधण्याची त्यांची आवड त्यांना सतत नवनवीन संधींशी जोडत राहते. नवीन ठिकाणं, नवीन लोक, नवीन अनुभव हे सगळं त्यांच्या कामात आणि वैयक्तिक विकासात एक नवा दृष्टिकोन देतं. त्यांचा हा खुला आणि उत्साही स्वभाव त्यांना मार्केटमध्ये अधिक एक्सपोजर मिळवून देतो, जे व्यवसाय वृद्धीसाठी अत्यंत फायदेशीर ठरतं.
तंत्रज्ञानात किंवा बाजारात बदल झाला, की या मुली लगेच ते स्वीकारतात. त्या जुन्या गोष्टींना चिकटून बसत नाहीत. उलट, त्या नव्याला गवसणी घालतात आणि त्यातून काहीतरी वेगळं साध्य करतात. बदल स्वीकारून त्यात स्वतःला जुळवून घेण्याची त्यांची क्षमता त्यांना आधुनिक आणि सशक्त व्यवसायिक महिला बनवते.
