भारतीय क्रिकेटमध्ये असे काही क्षण आहेत जे कायम लक्षात राहतात. त्यातला एक म्हणजे एका षटकात केलेल्या सर्वाधिक धावा. जसं जसं क्रिकेट वेगवान होत गेलं, तसं तसं फलंदाजांचा आक्रमकपणा वाढला. एका षटकात जास्तीत जास्त धावा घेणं ही कौशल्याची, संयमाची आणि आत्मविश्वासाची कसोटी असते. आंतरराष्ट्रीय एकदिवसीय सामन्यांमध्ये भारताकडून काही फलंदाजांनी हे काम पार पाडलं आहे. आज आपण अशाच काही दिग्गज फलंदाजांबद्दल जाणून घेणार आहोत, ज्यांनी एका षटकात सर्वाधिक धावा करत चाहत्यांचे मन जिंकले.
श्रेयस अय्यर आणि ऋषभ पंत
वर्ष 2019 मध्ये वेस्ट इंडिजविरुद्धच्या सामन्यात श्रेयस अय्यर आणि ऋषभ पंत या जोडीने एकाच षटकात 31 धावा घेतल्या. ऋषभ पंतने चार षटकार आणि एक चौकार ठोकला, तर अय्यरने उरलेल्या चेंडूंवर चतुराईने बाय आणि नो-बॉलच्या माध्यमातून धावा काढल्या. या षटकाने भारतीय क्रिकेटच्या आक्रमकतेची झलक दाखवली.
सचिन तेंडुलकर आणि अजय जडेजा
1999 मध्ये न्यूझीलंडविरुद्ध हैदराबादच्या सामन्यात मास्टर ब्लास्टर सचिन तेंडुलकरने आपली सर्वोच्च 186 धावांची खेळी केली होती. याच सामन्यात त्याने अजय जडेजासोबत मिळून एका षटकात 28 धावा काढल्या. यात तेंडुलकरचे 27 आणि जडेजाची 1 धाव होती. हा क्षण भारतीय क्रिकेटच्या इतिहासातील एक संस्मरणीय ठरला.
झहीर खान आणि अजित आगरकर
2000-01 साली झिम्बाब्वेविरुद्ध जोधपूरमध्ये खेळल्या गेलेल्या सामन्यात झहीर खानने आपल्या बॅटिंग क्षमतेने सर्वांना थक्क केलं. त्याने सलग चार षटकार मारत 27 धावा एका षटकात केल्या, ज्यात अजित आगरकरने एक धाव घेतली होती.
युवराज सिंग आणि वीरेंद्र सेहवाग
2001 मध्ये पार्लमध्ये केनियाविरुद्ध खेळताना या जोडीने 26 धावा मार्टिन सुजीच्या एका षटकात केल्या. युवराजने 5 धावा केल्या, तर सेहवागने आक्रमक खेळी करत 20 धावा ठोकल्या. एक नो-बॉलवर धाव मिळाली आणि त्यामुळे हा षटक अधिक फायद्याचा ठरला.
वीरेंद्र सेहवाग
2005 मध्ये श्रीलंकेविरुद्ध कोलंबोमध्ये दिलहारा लोकुहेतिगेच्या षटकात सेहवागने 5 चौकार आणि 1 षटकार मारत 26 धावा केल्या. एकटा खेळाडू म्हणून सेहवागने हा पराक्रम करत भारतीय संघाला मजबूत स्थितीत नेलं.
