अंकशास्त्रामध्ये मूलांकांचा प्रभाव केवळ तुमच्या स्वभावावरच नव्हे, तर तुमच्या आयुष्याच्या अनेक पैलूंवर दिसून येतो. विशेषतः मूलांक 3 असणारे लोक म्हणजे एक अनोखी उर्जा घेऊन जन्माला आलेले व्यक्तिमत्त्व. त्यांच्यातील अदृश्य सकारात्मक शक्ती इतकी प्रभावी असते की ती आजूबाजूच्या लोकांवर नकळत परिणाम करते. त्यामुळे असे लोक कुठेही गेले तरी लक्ष वेधून घेतात. पण ही उर्जा जपून ठेवणं तेवढंच महत्त्वाचं आहे. कारण काही चुकीच्या सवयींमुळे ही उर्जा हळूहळू नष्ट होते आणि त्याचा परिणाम मानसिक, भावनिक आणि व्यावसायिक आयुष्यावरही होऊ शकतो.
मूलांक 3 म्हणजे कोण?
ज्यांचा जन्म 3, 12, 21 किंवा 30 तारखेला झाला आहे, त्यांचा मूलांक 3 मानला जातो. या लोकांवर गुरु ग्रहाचा प्रभाव असतो. गुरु हे ज्ञान, आध्यात्मिकता, नैतिकता आणि मार्गदर्शनाचे प्रतीक मानले जातात. त्यामुळे मूलांक 3 असलेल्या व्यक्ती हसतमुख, आत्मविश्वासपूर्ण, बोलक्या आणि नेतृत्वगुणांनी परिपूर्ण असतात. त्यांच्या बोलण्यात वजन असतं, त्यामुळे त्यांना शिक्षक, सल्लागार, वक्ते किंवा लीडर बनण्याची नैसर्गिक क्षमता लाभते.
3 मूलांकाचे लोक अत्यंत ऊर्जाशील असले तरी त्यांची उर्जा दुसऱ्यांपर्यंत सहज पोहोचते. विशेषतः जेव्हा ते कोणाशी हस्तांदोलन करतात, तेव्हा त्यांच्या अंगातील सकारात्मक शक्ती नकारात्मक व्यक्तीकडे ट्रान्सफर होऊ शकते. यामुळे त्यांना अचानक थकवा, चिडचिड, एकाग्रतेचा अभाव, मानसिक अस्वस्थता किंवा गोंधळ अनुभवायला लागू शकतो. कधी कधी त्या दिवशी सगळे काम बिघडल्यासारखं वाटू लागतं आणि मनावर उदासी दाटून येते.
काय टाळाल?
अशा परिस्थितीत, मूलांक 3 असलेल्या लोकांनी हस्तांदोलन करताना सावधगिरी बाळगावी. प्रत्येकवेळी शारीरिक स्पर्श करणे आवश्यक नाही. शक्य असल्यास ‘नमस्ते’ करून अभिवादन करणे अधिक योग्य ठरते. जिथे हस्तांदोलन अपरिहार्य आहे, तिथे मनात ‘ओम’ किंवा ‘गुरू मंत्र’ म्हणून मानसिक संरक्षण घेता येते. हे उपाय त्यांच्या उर्जेला स्थिर ठेवतात आणि त्यांना बाह्य नकारात्मकतेपासून वाचवतात.
हस्तांदोलन वाईट नाही, पण…
याचा अर्थ असा नाही की हस्तांदोलन चुकीचं आहे किंवा लोकांशी स्पर्श ठेवणं टाळावं. परंतु मूलांक 3 असलेल्या लोकांची उर्जा अतिशय संवेदनशील असते. त्यामुळे कोणत्या व्यक्तीशी, कोणत्या भावनेतून आणि कोणत्या परिस्थितीत संपर्क साधायचा हे ठरवताना विशेष भान ठेवणं गरजेचं आहे.
