ज्या लोकांचा जन्म काही खास तारखांना झाला असतो, त्यांच्यात एक वेगळीच ऊर्जा, आत्मविश्वास आणि अध्यात्मिक झळक असते, असं अनेक वेळा आपण अनुभवतो. विशेषतः जेव्हा त्या मुली असतात आणि त्यांचा जन्म 3, 5, 9, 11, 12, 23, 27 किंवा 30 तारखेला झाला असतो, तेव्हा त्या मुलींबाबत काही विशेष बाबी जाणवतात. कारण त्या मुलींच्या बोलण्यातच देवी सरस्वतीचा आशीर्वाद असतो, असं अंकशास्त्र आणि अध्यात्म सांगतं.
जिभेवर असतो सरस्वतीचा वास
या जन्मतिथींना जन्मलेल्या मुली खूप लवकर बोलतात आणि त्यांचे बोलणे नेहमी लोकांच्या लक्षात राहते. त्यांच्या बोलण्यामध्ये अशी काही शक्ती असते की ती गोष्ट काही दिवसांत प्रत्यक्षात घडते. हे ऐकताना थोडं चमत्कारिक वाटेल, पण अशा कितीतरी प्रसंगांचे अनुभव आपल्या भोवती दिसतात. ज्यांनी या मुलींच्या सल्ल्यांनुसार चालण्याचा प्रयत्न केला, त्यांना खूप वेळा फायदे झाल्याचं दिसून आलं आहे.
या मुलींच्या जिभेवर सरस्वतीचा वास असतो, याचा अर्थ त्यांच्या बोलण्यामध्ये फक्त शब्द नसतात, तर ते मंत्रांसारखे प्रभावी असतात. ब्रह्म मुहूर्तामध्ये देवी सरस्वती सर्वांच्या जिभेवर असते, असं पुराणांमध्ये म्हटलं गेलं आहे. पण या खास तारखांना जन्मलेल्या मुलींबाबत असा विश्वास आहे की त्यांच्या जिभेवर सरस्वती नेहमी वास करत असते. म्हणूनच त्यांचं बोलणं भविष्यात प्रत्यक्षात उतरतं.
शाप-आशीर्वाद सगळं ठरतं खरं
पण या दैवी कृपेचा अर्थ असा नाही की त्यांनी काहीही बोललं तरी चालेल. कारण जेव्हा या मुली रागात बोलतात, निराश होऊन एखाद्याला काही वाईट बोलतात, तेव्हा ते शब्दही तितक्याच ताकदीनं काम करतात. त्यामुळे त्यांचं मन दुखावू नये, त्यांच्या भावना ओळखून त्यांच्याशी सन्मानानं वागणं हे आपल्यासाठीही महत्त्वाचं ठरतं.
या सर्व गोष्टींचा एक खोल अर्थ असा आहे की, या जन्मतिथींना जन्मलेल्या मुली केवळ भविष्यवाणी करणाऱ्या किंवा शाप-आशीर्वाद देणाऱ्या नाहीत, तर त्या आध्यात्मिकदृष्ट्या संवेदनशील आणि प्रभावी असतात. त्यांनी आपल्या बोलण्याचं भान ठेवावं लागतो, कारण त्यांचे शब्द हे त्यांच्या स्वतःच्या कर्मांवरही प्रभाव टाकतात. काही गोष्टी घडवण्याची शक्ती त्यांच्यात असते, पण त्याचबरोबर त्यांचं जीवनही त्यांच्या कर्मांच्या आरशात उमटतं.
