बॉलीवूडचा सुपरस्टार शाहरुख खान हा वयाच्या 50 च्या पुढे असूनही आजही त्याच्यातील ऊर्जा, त्याचा आत्मविश्वास आणि त्याचा रुबाब तरुणांनाही लाजवणारा आहे. आपल्या अभिनयाची जादू पसरवताना, त्याने आपल्या जीवनशैलीत असा काही समतोल राखला आहे की तो प्रत्येकासाठी शिकण्यासारखा ठरतो. बॉलीवूडच्या झगमगाटातही त्याची साधेपणाची आणि शिस्तबद्ध जीवनशैली अनेकांच्या उत्सुकतेचा विषय बनली आहे.
शाहरुख खानची लाईफ स्टाइल
एका मुलाखतीत शाहरुखने आपल्या दैनंदिन आयुष्याबद्दल काही खास गोष्टी उघड केल्या. तो रोज फक्त 4 ते 5 तास झोप घेतो, आणि बहुतांश वेळा पहाटे 5 वाजेपर्यंत जागाच असतो. जर शूटिंग असेल, तर तो सकाळी 9 किंवा 10 वाजेपर्यंत उठतो आणि दिवसभर भरपूर उत्साहाने काम करतो. इतकी कमी झोप असूनही त्याच्या चेहऱ्यावर थकवा नाही, उलट त्याचं हास्य नेहमीच ताजंतवानं असतं.
शूटिंग संपल्यावर रात्री सुमारे 2 वाजता तो घरी पोहोचतो. इतरांसारखा थकून सरळ झोपायला जाण्याऐवजी शाहरुख आधी अंघोळ करतो आणि नंतर जवळपास अर्धा तास व्यायाम करतो. दिवसभराच्या थकव्यानंतरचा हा व्यायाम त्याच्या फिटनेसचा गाभा आहे. त्याचं म्हणणं आहे की, शरीर तंदुरुस्त असेल तरच मन शांत राहतं, आणि तोच मंत्र तो रोज पाळतो.
शाहरुख खानचा डाएट
खाण्याच्या बाबतीतही त्याची शिस्त कमालीची आहे. दिवसातून केवळ दोन वेळा तो जेवतो एकदा दुपारी आणि एकदा रात्री. त्याच्या ताटात स्प्राउट्स, ग्रील्ड चिकन, आणि अधूनमधून मसूर असते. साखर आणि ब्रेड या गोष्टी तो पूर्णपणे टाळतो. आणि हे सर्व तो केवळ दिसण्यासाठी नव्हे, तर स्वतःच्या तब्येतीसाठी करतो.
सगळ्यात वेगळी आणि थोडीशी मजेशीर गोष्ट म्हणजे शाहरुख बाथरूममध्ये रोज जवळपास 2 ते 3 तास घालवतो. ही वेळ तो फक्त स्वतःसाठी राखून ठेवतो. पुस्तक वाचणं, वर्तमानपत्रांवर नजर टाकणं किंवा निवांत बसून स्वतःसोबत संवाद साधणं. तो म्हणतो की ही वेळ त्याच्या मानसिक शांततेसाठी अत्यावश्यक आहे.
