चेहऱ्यावर एक आकर्षक झळाळी, मनात उत्साह, आणि चालण्यात असलेली चपळता… काही लोकांमध्ये अशी विलक्षण ऊर्जा असते की वय त्यांच्या आसपास फिरकतही नाही. आणि ज्यांनी हे सौंदर्य व तेज कायम राखलंय, त्यामागे जर काही रहस्य असेल, तर ते असू शकतं अंकशास्त्र.
अंकशास्त्रात काही विशिष्ट संख्यांना खास स्थान आहे. त्यापैकी एक आहे मूलांक 6. हा अंक शुक्र ग्रहाशी संबंधित मानला जातो. सौंदर्य, ऐश्वर्य, कला आणि प्रेमाचा प्रतीक. ज्यांचा जन्म 6, 15 किंवा 24 तारखेला झाला आहे, त्यांचा मूलांक 6 मानला जातो. हे लोक आपल्या आकर्षणामुळे, तेजस्वी चेहऱ्यामुळे आणि सदैव ताज्या वाटणाऱ्या व्यक्तिमत्त्वामुळे सहज लक्षात राहतात.
मूलांक 6
सिनेमातील एव्हरग्रीन अभिनेता अनिल कपूर याचे उदाहरण घ्या. वयाच्या 60 व्या वर्षातही तो 30 च्या आसपासचा वाटतो. त्याचा आत्मविश्वास, फिटनेस आणि चेहऱ्यावरचं तेज पाहून कोणीही चकित होईल. योगायोगाने त्याचा मूलांक देखील 6 आहे. अनेक 6 मूलांक असलेल्या व्यक्तींमध्ये हा स्वाभाविक तेज आणि उत्साह आढळतो.
या अंकाच्या लोकांमध्ये एक खास कलात्मक दृष्टिकोन असतो. त्यांना सौंदर्य, फॅशन, संगीत, अभिनय आणि डिझाईनमध्ये आवड असते. चांगले कपडे घालणे, स्वतःला आकर्षक ठेवणे आणि जीवनातील प्रत्येक गोष्टीत सौंदर्य शोधणे हे त्यांच्या स्वभावाचाच एक भाग असतो. म्हणूनच ही मंडळी नेहमी इतरांपेक्षा वेगळी आणि उठून दिसतात.
मूलांक 6 चा स्वभाव आणि गुण
मात्र त्यांच्या सौंदर्याबरोबरच, त्यांचा स्वभावही तितकाच विश्वासार्ह आणि स्थिर असतो. ते मैत्रीमध्ये निष्ठावान असतात. एकदा कुणावर विश्वास टाकला की, ते तो शेवटपर्यंत निभावतात. त्यांना गोष्टी लपवून ठेवता येतात, आणि कोणतीही गोष्ट दुसऱ्याच्या नकळत पसरू देत नाहीत. म्हणूनच हे लोक आपल्या मित्रमंडळींसाठी खूप खास असतात.
शुक्र ग्रहाचा प्रभाव केवळ त्यांच्या बाह्य रूपावरच नाही, तर मानसिकतेवरही असतो. त्यांना आपलं आरोग्य सांभाळायला आवडतं आणि त्यांच्या दिनचर्येमध्ये सौंदर्य, योग, फिटनेस किंवा काहीतरी स्वतःला प्रामाणिक ठेवणारे काही तरी असते. त्यामुळे वय वाढतं, पण त्यांच्या उर्जेचं प्रमाण कमी होत नाही.
