सोशल मीडियाचं युग आलं आणि आपल्या रोजच्या जगण्यात फोटो शेअर करणं, खास क्षणांमध्ये इतरांना सहभागी करणं हे अगदीच सामान्य झालं. विशेषतः व्हॉट्सअॅपसारख्या अ‍ॅपवर आपण आपल्या प्रोफाइलवर (DP) जे काही ठेवतो, ते केवळ ओळखीचं चिन्ह नसतं, ते आपल्या भावनांचं, आनंदाचं आणि आयुष्याच्या खास क्षणांचं प्रतिबिंब असतं. पण हाच डीपी कधी-कधी अनपेक्षित त्रासांचं कारण ठरू शकतो, असं मानलं जातं ज्योतिषशास्त्रात.
अनेकदा आपण आपल्या कुटुंबासोबतचे हसरे, आनंदी फोटो व्हॉट्सअॅप किंवा फेसबुकवर ठेवतो. खरं तर यात काही चूक नाही, पण प्रत्येक वेळी हा आनंद सर्वांशी शेअर करणं कितपत सुरक्षित आहे, याचा विचार व्हायला हवा. कारण आपल्या या आनंदाकडे किती जणांनी प्रेमाने पाहिलं आणि किती जणांच्या मनात त्याविषयी ईर्षा किंवा हेवा उत्पन्न झाला, हे आपल्याला माहीत नसतं.
नजर दोष म्हणजे काय?
ज्योतिषशास्त्रात असं सांगितलं जातं की एखाद्या व्यक्तीच्या आयुष्यात घडणाऱ्या अनेक अडचणींचं मूळ नजर दोष असतो. म्हणजेच दुसऱ्याच्या नकारात्मक नजरेचा आपल्यावर पडलेला प्रभाव. विशेषतः जेव्हा आपण सतत आपले वैयक्तिक आणि कुटुंबातील सुखाचे क्षण सार्वजनिक करतो, तेव्हा हा धोका वाढतो. कित्येक वेळा हे नकारात्मक प्रभाव आरोग्यावर, आर्थिक स्थितीवर आणि मनःशांतीवर परिणाम करू शकतात.
गंमत म्हणजे, हे फक्त अंधश्रद्धेचं नव्हे तर एक मानसिक वास्तवही आहे. आपण जर वारंवार आपल्या DP मध्ये वैभव, समाधान आणि खाजगी क्षण दाखवत राहिलो, तर ते इतरांच्या मनात प्रतिक्रिया निर्माण करतात. ही प्रतिक्रिया कधी कौतुकाची असते, तर कधी असूयेची आणि अशाच भावना नकळत तुमच्याकडे झेप घेतात.
म्हणूनच, काही गोष्टी जपून ठेवाव्यात, असं आपलं पारंपरिक ज्ञान सांगतं. सोशल मीडियावर तुम्ही काय शेअर करता, किती वेळा करता आणि कोणासाठी करता, याचा विचार करणे खूप गरजेचे आहे. प्रत्येक आनंदाचा क्षण जगणं योग्यच आहे, पण तो सर्वांसोबत सतत शेअर करणं आवश्यक नाही.
काय उपाय कराल?
जर तुम्हाला सतत छोट्या छोट्या त्रासांना सामोरं जावं लागत असेल, घरात नकारात्मकता वाटत असेल, किंवा कोणतीही गोष्ट स्थिर राहत नसेल, तर तुमचा व्हॉट्सअॅप डीपी तपासा. तो नेहमी आनंदी चेहरा दर्शवतोय का? सतत तुमच्या यशाचं किंवा समाधानाचं प्रदर्शन होतंय का? तर एकदा विचार करा, हा डीपी बदलण्याची वेळ आली आहे का?
कधी कधी नजर दोष टाळण्यासाठी फार मोठे उपाय करण्याची गरज नसते, तर केवळ थोडी गोष्ट लपवून ठेवण्याची समजूत पुरेशी असते. कारण सगळ्यांनाच तुमचा खरा आनंद पचवता येतो असं नाही.
