पावसाळ्याचा हंगाम सुरू झालाय आणि याच काळात जर तुम्ही एखादा स्वस्त, फायदेशीर आणि अनेक सुविधा असलेला मोबाईल प्लॅन शोधत असाल, तर जिओने ग्राहकांसाठी एक भन्नाट ऑफर आणली आहे. ही ऑफर केवळ तुमच्या खिशाला परवडणारी नाही, तर इंटरनेट, कॉलिंग आणि मनोरंजन याचा परिपूर्ण संगमही आहे. विशेष म्हणजे हे सर्व फायदे तुम्हाला मिळतील केवळ 225 रुपयांपेक्षा कमी दरात, ऐकूनच आश्चर्य वाटलं ना?
जिओने आपल्या जिओ फोन प्राइमा युजर्ससाठी काही दमदार प्लॅन सादर केले आहेत, जे 75 रुपयांपासून सुरू होतात. या प्लॅनची रचना अशी आहे की अगदी कमी किंमतीत अमर्यादित कॉलिंग, दररोजचा डेटा आणि मजेशीर जिओ टीव्ही यासारखे फायदे एकाच पॅकमध्ये मिळतात. त्यामुळे ज्यांना वारंवार रिचार्ज नको आहे, पण मनोरंजन आणि इंटरनेटचे सहज आणि सुलभ माध्यम हवे आहे, त्यांच्यासाठी हे प्लॅन अत्यंत उपयुक्त ठरू शकतात.
75 रुपयांचा प्लॅन
सुरुवात होते 75 रुपयांच्या प्लॅनपासून. यामध्ये 23 दिवस वैधता असून, दररोज 200MB डेटा आणि 0.1GB अतिरिक्त डेटा दिला जातो. शिवाय, 50 एसएमएस मोफत आणि कॉलिंगवर कोणतीही मर्यादा नाही. विशेष म्हणजे, या प्लॅनमध्ये जिओ टीव्ही अ‍ॅपचा फ्री अ‍ॅक्सेसही मिळतो, म्हणजे मोबाईलवर टीव्हीचा आनंद फुकटात.
91 रुपयांचा प्लॅन
थोडी जास्त सुविधा हवी असेल, तर 91 रुपयांचा प्लॅन 28 दिवसांसाठी उत्तम पर्याय ठरतो. यात दररोज 100MB डेटा आणि 20 MB अतिरिक्त डेटा, 50 मोफत एसएमएस आणि जिओ टीव्हीचा पूर्ण उपयोग करता येतो. त्याहून थोडा जास्त डेटा वापर करणाऱ्यांसाठी 125 रुपये आणि 152 रुपये यांचे प्लॅन अधिक उपयुक्त आहेत, कारण यामध्ये अनुक्रमे 0.5GB डेटा दररोज मिळतो.
186 रुपये आणि 223 रुपयांचे प्लॅन
पण जर तुमचा वापर अधिक असेल, आणि तुम्हाला गेमिंग, व्हिडिओ कॉल्स किंवा YouTube यांसाठी भरपूर डेटा हवा असेल, तर 186 रुपये आणि 223 रुपयांचे प्लॅन नक्की विचारात घ्या. 186 रुपयांच्या प्लॅनमध्ये 1GB दररोजचा डेटा आणि 100 एसएमएस मिळतात, तर 223 रुपयांमध्ये तर थेट 2GB डेटा दररोज मिळतो. दोन्ही प्लॅनमध्ये अमर्यादित कॉल्स आणि जिओ टीव्ही मोफत मिळतोच.
या सर्व प्लॅनमधील एक गोष्ट खास लक्षात घेण्यासारखी आहे. कमीत कमी खर्चात जास्तीत जास्त फायदे. कमी बजेटमध्ये तुम्हाला डेटा, कॉलिंग, एसएमएस आणि मनोरंजनाचं कॉम्बो मिळतंय, जे आजच्या घडीला खूप महत्त्वाचं आहे.
