स्मृती इराणी या नावामागे आज केवळ अभिनेत्री नव्हे, तर यशस्वी राजकारणी आणि संघर्षाने भरलेली प्रेरणादायक वाटचाल लपलेली आहे. एका गरीब कुटुंबात जन्मलेल्या स्मृतीने लहानपणापासूनच दुःख आणि अभाव पाहिले. फक्त 7 वर्षांची असतानाच तिला आणि तिच्या बहिणींना घर सोडावे लागले, कारण त्यांच्या आईला मुलगा होत नव्हता. हे कटू वास्तव तिच्या आयुष्यातील संघर्षाची सुरुवात होती.
स्मृती इराणी यांचा प्रवास
स्मृतीने आपल्या करिअरची सुरुवात मॅकडोनाल्ड्समध्ये डिशवॉशर म्हणून केली. तिचा पहिला पगार फक्त 200 रुपये होता, जो ती सौंदर्यप्रसाधने विकून मिळवत असे. वयाच्या 20 व्या वर्षी उपजीविकेसाठी तिने ही नोकरी स्वीकारली आणि तिथून पुढे तिच्या जीवनाची दिशा बदलत गेली.
कामाच्या सुट्टीत तिने मॉडेलिंग आणि अभिनयासाठी ऑडिशन्स द्यायला सुरुवात केली. 1998 मध्ये तिने ‘मिस इंडिया’ स्पर्धेत भाग घेतला आणि काही संगीत व्हिडिओंमध्ये कामही केले. पण तिचं खरं यश आलं ते ‘क्यूंकी सास भी कभी बहू थी’ या मालिकेमुळे. ‘तुलसी’ या भूमिकेने ती एका रात्रीत भारतातील प्रत्येक घरात पोहोचली.
एकूण संपत्ती
आज तीच स्मृती इराणी पुन्हा एकदा ‘क्यूंकी सास भी कभी बहू थी 2’ या शोमध्ये झळकत आहे आणि या रिबूट मालिकेसाठी ती एका एपिसोडसाठी तब्बल 4 लाख रुपये घेत आहे. ही कमाई तिच्या जुन्या एपिसोडच्या फक्त 1,800 रुपयांच्या मानधनाच्या तुलनेत कितीतरी पटीने वाढलेली आहे.
अभिनेत्री ते यशस्वी राजकारणी असा तिचा प्रवास केवळ आर्थिक संपत्तीपुरताच मर्यादित नाही, तर तो संघर्षातून उभ्या राहणाऱ्या प्रत्येकासाठी एक आदर्श आहे. मीडिया रिपोर्टनुसार आज तिची एकूण संपत्ती सुमारे 17.6 कोटी रुपये इतकी आहे.
