हिंदी चित्रपटसृष्टी म्हणजे केवळ मनोरंजन नाही, तर ती आपल्या भावना, आठवणी, आणि काळाच्या ओघात घडलेल्या बदलांचं एक प्रतिबिंब आहे. गेल्या काही वर्षांत, विशेषतः 2008 पासून 2025 पर्यंत, अनेक चित्रपटांनी बॉक्स ऑफिसवर प्रचंड यश मिळवले. काहींनी आपल्याला रडवलं, काहींनी खळखळून हसवलं, तर काहींनी थेट आपल्या काळजाला स्पर्श केला. या काळातल्या सर्वाधिक कमाई करणाऱ्या 10 चित्रपटांची यादी सध्या चर्चेचा विषय बनली आहे, आणि यात सर्वात वरचं स्थान पटकावलं आहे एका अपेक्षित पण धडकी भरवणाऱ्या चित्रपटाने.
पुष्पा 2
2024 मध्ये प्रदर्शित झालेल्या पुष्पा 2 (हिंदी) या चित्रपटाने कमाईच्या बाबतीत सर्व विक्रम मोडीत काढले आहेत. भारतात या चित्रपटाने तब्बल 836.09 कोटींची कमाई करत यादीत पहिले स्थान मिळवलं. केवळ दक्षिणेतील तडका नसून, त्याच्या हिंदी आवृत्तीनेही प्रेक्षकांच्या मनात अक्षरशः धडकी भरवली.
जवान आणि स्त्री 2
दुसऱ्या क्रमांकावर आहे शाहरुख खानचा जवान. 2023 मध्ये प्रदर्शित झालेल्या या चित्रपटाने 640.42 कोटी रुपये कमावले. शाहरुखच्या पुनरागमनाचं हे एक सशक्त उदाहरण ठरलं. तिसऱ्या क्रमांकावर आहे स्त्री 2, ज्यात श्रद्धा कपूरने दिलेला अभिनय आणि चित्रपटाची रहस्यमय कथा प्रेक्षकांना गुंतवून ठेवणारी होती. त्याची कमाई होती 627.50 कोटी रुपये.
छावा आणि अॅनिमल
2025 मध्येच झळकलेला छावा हा ऐतिहासिक चित्रपट चौथ्या क्रमांकावर आहे. विकी कौशलच्या दमदार भूमिकेमुळे आणि स्वराज्याच्या संघर्षाची हृदयाला भिडणारी मांडणीमुळे त्याने 615.39 कोटी रुपयांची कमाई करत आपलं स्थान भक्कम केलं. त्याच्या मागे लागलेला रणबीर कपूरचा अॅनिमल हा चित्रपटदेखील 554 कोटी रुपयांच्या कमाईसह पाचव्या स्थानावर आहे. या चित्रपटातील भावनिक गुंतवणूक आणि अ‍ॅक्शनचा संतुलित मिलाफ प्रेक्षकांना भावला.
पठाण आणि गदर 2
पठाण या चित्रपटाने शाहरुख खानला आणखी एका ब्लॉकबस्टरमध्ये चमकायला भाग पाडलं. 543.22 कोटींच्या कमाईसह त्याने सहावं स्थान मिळवलं. त्याच्या खालोखाल आहे 2023 मध्ये आलेला गदर 2, ज्याने 525.50 कोटी कमावत जुन्या गदरची आठवण ताजी केली आणि पुन्हा प्रेक्षकांच्या काळजात जागा निर्माण केली.
बाहुबली 2 आणि केजीएफ 2
बाहुबली 2 (हिंदी) या 2017 मधल्या चित्रपटाने आठव्या क्रमांकावर स्थान पटकावलं आहे. त्याची 511 कोटींची कमाई अजूनही लोकांच्या चर्चेत आहे. तर 2022 चा केजीएफ 2 (हिंदी) देखील त्याच्या दणकट स्टाईल आणि संवादांमुळे 434.62 कोटींच्या कमाईसह नवव्या स्थानावर आहे.
दंगल
या यादीचा शेवट मात्र एका प्रेरणादायक चित्रपटाने दंगल ने केला आहे. आमिर खानचा हा 2016 मधला चित्रपट 387.39 कोटी रुपयांच्या कमाईसह दहाव्या स्थानी पोहोचला. कुस्तीच्या आखाड्यातून उभा राहिलेला हा चित्रपट एका कुटुंबाच्या जिद्दीचा आणि स्वप्नपूर्तीचा प्रवास होता.
