काही लोकांचे व्यक्तिमत्त्व इतकं आकर्षक असतं की, ते जिथेही जातात तिथे प्रकाशमान होतात. त्यांच्या बोलण्यात एक गोडवा असतो, आणि त्यांच्या आयुष्याच्या प्रत्येक वळणावर एक विलासी झळाळी दिसते. या व्यक्तींना पाहून अनेकदा एकच प्रश्न मनात येतो, या लोकांचं नशीब इतकं उजळ का असावं? याचं उत्तर मिळू शकतं अंकशास्त्रात. विशेषतः संख्या 6 असलेले लोक म्हणजे या विलासितेचे जणू जिवंत उदाहरणंच.
मूलांक 6
जर तुमचा जन्म कोणत्याही महिन्याच्या 6, 15 किंवा 24 तारखेला झाला असेल, तर तुमचं भाग्य शुक्र ग्रहाच्या अधीन असतं. आणि शुक्र म्हणजेच सौंदर्य, प्रेम, कला आणि ऐश्वर्याचं प्रतीक. त्यामुळेच या लोकांना आयुष्यात सुंदर वस्तू, चांगली चव आणि आलिशान जगणं हे सगळं अगदी नैसर्गिकपणे मिळतं.
संख्या 6 असलेले लोक अत्यंत सौंदर्यप्रिय आणि फॅशनेबल असतात. त्यांना स्वतःला कसं सादर करावं याची समज असते. कोणत्याही पार्टीत, कार्यक्रमात किंवा गेट-टुगेदरमध्ये हे लोक आकर्षणाचं केंद्रबिंदू ठरतात. त्यांचं बोलणं मधाळ असतं, आणि त्यांनी एकदा जर कुणाशी मैत्री केली, तर ती खूप काळ टिकते.
करिअर
शुक्राच्या प्रभावामुळे, या लोकांना पैशांची कमतरता फारशी भासत नाही. त्यांना चांगल्या संधी सहज मिळतात. विशेषतः कला, संगीत, नृत्य, फॅशन, चित्रपट, किंवा डिझाईनसारख्या क्षेत्रात ही संख्या अतिशय यशस्वी ठरते. ते केवळ नाव कमावत नाहीत, तर समाजात एक विशिष्ट स्थान मिळवतात.
इतकंच नाही तर या लोकांमध्ये एक खास प्रकारचा भावनिक समतोल असतो. ते खूप सहानुभूतीशील असतात, लोकांची दुःखं समजून घेणारे असतात. त्यामुळेच त्यांच्या आजूबाजूला मित्रांची कमतरता नसते.
शुभ रंग
या संख्येच्या लोकांसाठी शुभ रंग म्हणजे पांढरा आणि निळा. हे रंग त्यांच्या सौंदर्यवृत्तीला अजून उजळ करतात. सोमवार, मंगळवार, बुधवार आणि शुक्र
