जगभरात इस्लाम धर्म मानणाऱ्यांची संख्या सातत्याने वाढत आहे. अलिकडच्या काही वर्षांत मुस्लिम लोकसंख्येत मोठी वाढ झाली असून, यामुळे अनेक देशांमध्ये त्यांचा प्रभावही वाढलेला दिसतो. सध्याच्या जागतिक अहवालानुसार, मुस्लिमांची एकूण लोकसंख्या सुमारे 1,946 दशलक्ष म्हणजेच 194.6 कोटी इतकी आहे. यामध्ये मागील काही वर्षांत तब्बल 347 दशलक्ष म्हणजेच 34.7 कोटींची भर पडली आहे. या पार्श्वभूमीवर आज आपण पाहणार आहोत जगातील अशा 10 देशांची यादी, जिथे मुस्लिमांची संख्या सर्वाधिक आहे. यामध्ये भारत आणि पाकिस्तान कोणत्या क्रमांकावर आहेत, हेही तुम्हाला या यादीतून कळेल.
इंडोनेशिया
जगातील सर्वाधिक मुस्लिम लोकसंख्या असलेला देश म्हणजे इंडोनेशिया. येथे अंदाजे 240 दशलक्ष म्हणजेच 24 कोटी मुस्लिम नागरिक आहेत. हे देशाच्या एकूण लोकसंख्येच्या सुमारे 88% इतके आहे. इंडोनेशियातील विविध प्रदेशांमध्ये इस्लाम धर्माचे पालन करणाऱ्यांची संख्या लक्षणीय आहे.
पाकिस्तान
पाकिस्तान हा अधिकृतपणे इस्लामिक राष्ट्र आहे. येथे सुमारे 240 दशलक्ष म्हणजेच 24 कोटी मुस्लिम आहेत, जे एकूण लोकसंख्येच्या 96% आहेत. या देशात इस्लाम धर्माला सर्वोच्च स्थान असून, संविधानातही त्याचा विशेष उल्लेख आहे.
भारत
भारत एक धर्मनिरपेक्ष राष्ट्र असूनही येथे मुस्लिमांची संख्या खूप मोठी आहे. भारतात सुमारे 200 दशलक्ष म्हणजेच 20 कोटी मुस्लिम राहतात. ही संख्या एकूण भारतीय लोकसंख्येच्या 14.5% आहे. या देशात हिंदू धर्मानंतर मुस्लिम धर्मीयांची संख्या दुसऱ्या क्रमांकावर आहे.
बांग्लादेश
बांगलादेशमध्ये सुमारे 150 दशलक्ष म्हणजेच 15 कोटी मुस्लिम आहेत. हे देशाच्या एकूण लोकसंख्येच्या 91% इतके आहे. बांगलादेशमध्ये इस्लाम धर्म अत्यंत प्रभावशाली असून, धार्मिक रितीरिवाजांचा महत्त्वाचा भाग आहे.
नायजेरिया
अफ्रिकेतील नायजेरिया देशात सुमारे 97 दशलक्ष म्हणजेच 9.7 कोटी मुस्लिम राहतात. येथील एकूण लोकसंख्येपैकी सुमारे 48% मुस्लिम आहेत. नायजेरियामध्ये मुस्लिम आणि ख्रिश्चन या दोन्ही धर्मीयांचे प्रमाण जवळपास सारखेच आहे.
इजिप्त
इजिप्तमध्ये सुमारे 90 दशलक्ष म्हणजेच 9 कोटी मुस्लिम नागरिक आहेत. हे एकूण लोकसंख्येच्या 94.74% इतके आहे. प्राचीन संस्कृतीचा वारसा असलेल्या इजिप्तमध्ये इस्लाम धर्म प्रमुख आहे.
तुर्की
तुर्कीमध्ये अंदाजे 84 दशलक्ष म्हणजेच 8.4 कोटी मुस्लिम राहतात. देशात मुस्लिमांचे प्रमाण सुमारे 98% इतके आहे. तुर्कीमध्ये इस्लामिक परंपरा आणि आधुनिकता यांचा सुरेख संगम दिसून येतो.
इराण
इराणमध्ये सुमारे 82 दशलक्ष म्हणजेच 8.2 कोटी मुस्लिम आहेत. देशातील 99.4% लोक मुस्लिम असून, त्यात प्रामुख्याने शिया पंथाचे अनुयायी आहेत.
चीन
चीनमध्ये अंदाजे 50 दशलक्ष म्हणजेच 5 कोटी मुस्लिम राहतात. एकूण लोकसंख्येच्या 3.6% नागरिक मुस्लिम असून, उइघुर आणि हुई या प्रमुख मुस्लिम जमाती येथे वास्तव्य करत आहेत.
अल्जेरिया
आफ्रिकेतील अल्जेरिया देशात सुमारे 43 दशलक्ष म्हणजेच 4.3 कोटी मुस्लिम राहतात. येथे 99% जनता मुस्लिम आहे. अल्जेरियात इस्लाम धर्म हा प्रमुख धार्मिक आधार आहे.
ही यादी पाहून स्पष्ट होते की जगभरात इस्लाम धर्म स्वीकारणाऱ्यांची संख्या केवळ मध्यपूर्व किंवा दक्षिण आशियापुरती मर्यादित नाही, तर ती अफ्रिका, युरेशिया आणि आग्नेय आशियातही मोठ्या प्रमाणात आहे. भारतासारख्या बहुधर्मीय देशातही मुस्लिम समुदाय एक महत्त्वाचा घटक आहे.
