संकटमोचक हनुमानजींच्या कृपेने घरातील सर्व वाईट शक्ती नाहीशा होतील! करा ‘हा’ एकच शक्तिशाली उपाय

घरात वारंवार त्रास उद्भवत असतील, कामांमध्ये अडथळे येत असतील किंवा कुटुंबात निराशेचे वातावरण जाणवत असेल, तर त्यामागे वास्तुदोष कारणीभूत असण्याची शक्यता असते. अशा वेळी धार्मिक उपायांच्या माध्यमातून घरात सकारात्मकता आणण्याचा प्रयत्न केला जातो. त्यातही हनुमानजींची उपासना हा एक प्रभावी आणि श्रद्धेचा मार्ग मानला जातो. विशेषतः पंचमुखी हनुमानजींचे चित्र घरात लावल्याने नकारात्मक शक्तींना अटकाव होतो आणि घरात सौख्य-संपत्तीची चाहूल लागते, असा विश्वास आहे.

पंचमुखी हनुमानाचे चित्र

पंचमुखी हनुमान ही केवळ एक मूर्ती नाही, तर ती पाच दिशांमधून येणाऱ्या संकटांना परतवणारी दिव्य शक्ती आहे, असं मानलं जातं. या पंचमुखांमध्ये माकडाचा चेहरा पूर्वेकडे असून तो शत्रूंवर विजय मिळवून देतो. गरुडाचा चेहरा पश्चिमेकडे असून तो अडथळे दूर करतो. वराह मुख उत्तर दिशेला असून ते कीर्ती आणि सामर्थ्य देते. दक्षिण दिशेला असलेला नरसिंह मुख भय दूर करतो, तर आकाशाकडे असलेले अश्व मुख सर्व इच्छांची पूर्ती करतो. ही रूपं म्हणजे हनुमानजींच्या शक्तींचं सजीव स्वरूप असून, यामुळेच पंचमुखी रूपाला विशेष महत्त्व दिलं जातं.

दिशा योग्य निवडा

वास्तुशास्त्रात पंचमुखी हनुमानजींचं चित्र घराच्या मुख्य दरवाजावर लावणं अत्यंत शुभ मानलं जातं. हे केवळ शोभेसाठी नाही, तर घरात येणाऱ्या नकारात्मक ऊर्जेला थोपवण्यासाठी एक प्रभावी उपाय आहे. हे चित्र लावताना हनुमानजींचं तोंड दक्षिणेकडे असलेलं असावं. ही दिशा नकारात्मकतेची मानली गेली आहे आणि त्यावर नियंत्रण ठेवण्यासाठी हे चित्र मदतीचं ठरतं. शिवाय, दरवाजा कायमस्वरूपी स्वच्छ आणि खुला ठेवला पाहिजे, कारण हीच जागा घरात उर्जेचा प्रवेशद्वार असते.

घरातले नैऋत्य कोपरे म्हणजे स्थिरतेचं आणि आर्थिक समृद्धीचं प्रतीक. या कोपऱ्यात पंचमुखी हनुमानजींचं चित्र किंवा मूर्ती ठेवणं वास्तुशास्त्रानुसार अतिशय फलदायी ठरतं. पण फक्त चित्र ठेवणं पुरेसं नाही, तर त्यासाठी योग्य तयारी आणि श्रद्धेची गरज असते. जागा स्वच्छ करून त्यावर गंगाजल शिंपडावं, धूप, दिवा लावावा आणि ओम हनुमते नमः मंत्राचा 108 वेळा जप करावा. ही साधना मंगळवार किंवा शनिवारी करणं विशेष शुभ मानलं जातं.

हे चित्र लावल्यानंतर दररोज त्यासमोर दिवा लावणं, धूप देणं आणि हनुमान चालीसा पठण करणं, ही एक सवयच बनवावी. शक्य नसेल, तर मंगळवार आणि शनिवारी तरी हे नित्य नियम पाळावेत. ही उपासना फक्त वास्तुदोष नाहीसे करत नाही, तर मनाला शांतता देते, तणाव कमी करते आणि संपूर्ण घरात भक्तीचं, समाधानाचं वातावरण निर्माण करते.