राजकीय घडामोडींमध्ये आरोप-प्रत्यारोप नवा विषय नाही. मात्र, निवडणुकीनंतर ईव्हीएमविषयी सातत्याने वाद निर्माण होत आहेत. विधानपरिषदेचे अध्यक्ष राम शिंदे यांनी याच पार्श्वभूमीवर रोहित पवारांना निशाण्यावर घेतलं आहे.
त्यांनी एका कार्यक्रमात बोलताना स्पष्ट शब्दांत सांगितलं की, ईव्हीएमवर आक्षेप घेतल्यावर वाटलं होतं की, राजीनामा देतील आणि आपल्याला पुन्हा संधी मिळेल, पण तसं काहीच झालं नाही. त्यांच्या या वक्तव्याने राजकीय वर्तुळात खळबळ उडाली आहे.
राम शिंदे यांनी सोलापुरातील एका कार्यक्रमात बोलताना विरोधकांवर निशाणा साधला. त्यांनी अप्रत्यक्षपणे ईव्हीएमच्या विश्वासार्हतेवर प्रश्नचिन्ह उपस्थित करत, आता कोण कोणाच्या बाजूने आहे आणि कोण कोणाच्या विरोधात आहे हे सांगणं कठीण झालं आहे, असं विधान केलं.
त्यांच्या मते, निवडणुकीत पराभव स्वीकारण्याऐवजी काही नेते ईव्हीएमवर संशय घेऊन वाद निर्माण करत आहेत. याच संदर्भात त्यांनी रोहित पवार आणि उत्तमराव जानकर यांचा उल्लेख करत त्यांच्यावर टीका केली.
उत्तमराव जानकर यांचा पराभव झाल्यानंतर त्यांनी ईव्हीएमवर आक्षेप घेतला नव्हता, मात्र पाचव्यांदा विजय मिळवल्यावर त्यांनी ईव्हीएममध्ये घोटाळा असल्याचा दावा केला. यावर टीका करत राम शिंदे म्हणाले की, चार वेळा हरल्यानंतर ईव्हीएम बरोबर होतं,
पण पाचव्यांदा जिंकल्यावर तेच ईव्हीएम चुकलं असं कसं? हा विरोधाभास त्यांनी उपस्थित केला. त्यांच्या मते, निवडणुकीतील पराभवाला कारणीभूत ठरवण्यासाठी ईव्हीएमवर टीका करण्याची सवय काहींना लागली आहे.
या संपूर्ण घडामोडीत राम शिंदेंचा सर्वात मोठा आरोप म्हणजे, ईव्हीएमवर आक्षेप घेऊनही संबंधित नेत्यांनी राजीनामा दिला नाही. ते म्हणाले, जर ईव्हीएम चुकीचे आहे, असे मानले जात असेल, तर राजीनामा द्यायला हवा होता.
मात्र, तसं काहीच झालं नाही आणि त्यामुळे मला पुन्हा संधी मिळाली नाही. त्यांच्या या वक्तव्यामुळे राजकीय चर्चेला उधाण आले असून, यावर रोहित पवार काय प्रतिक्रिया देतात हे पाहणं महत्त्वाचं ठरणार आहे.
