Nitesh Rane : मुंबईत सध्या राज्याचे अर्थसंकल्पीय अधिवेशन सुरु आहे. यावेळी मंत्री मंगलप्रभात लोढा यांनी लव्ह जिहादची एक लाख प्रकरण आहेत, अशी माहिती सभागृहात दिली. त्यानंतर या प्रकरणात पुरावे सादर करणार असल्याची माहिती आमदार नितेश राणे यांनी बाहेर माध्यमांशी बोलताना दिली.
यावेळी भाजप आमदार नितेश राणे आणि सपा आमदार अबू आझमी यांच्यात लव्ह जिहादच्या मुद्द्यावरुन जोरदार खडाजंगी झाली. विधीमंडळ परिसरात नितेश राणे आणि अबू आझमी हे मदरसांतील कामाबाबत चर्चा करत होते. मात्र अचानक यावरून वाद सुरू झाला आहे.
यावेळी आमदार अबू आझमी हे विधानभवनाच्या परिसरात आले. त्यानंतर लव्ह जिहादची प्रकरण खोटी आहेत, असे सांगत मुस्लीम समाजाला बदनाम करण्याचा हा प्रयत्न असल्याचे आझमी यांनी म्हटले. यानंतर नितेश राणे हे चांगलेच आक्रमक झाले. यामुळे वाद वाढला.
यानंतर तुम्हालाही लव्ह जिहाद असत हे मान्य करावं लागेल. तारीख आणि वेळ सांगा. मी तुम्हाला घेऊन जातो, असं राणे म्हणाले. यावर पुन्हा अबू आझमी म्हणाले, असं काही नाही हे सिद्ध करण्यासाठी मी तुम्हाला 50 ठिकाणी घेऊन जातो, यामुळे वाद वाढतच गेला.
यामुळे याचा व्हिडिओ देखील सोशल मीडियावर व्हायरल झाला आहे. यावेळी नितेश राणेंनी अनधिकृत मदरशांचा मुद्दा उपस्थित केला. त्यावर बोलताना आझमी म्हणाले, कोणत्याही धर्माचे असले तरी अनधिकृत बांधकाम पाडले पाहिजे.
