Pervez Musharraf Death : पाकिस्तानमधून सध्या एक मोठी बातमी समोर आली आहे. पाकिस्तानचे माजी राष्ट्राध्यक्ष परवेज मुशर्रफ यांचे निधन झाले आहे. गेल्या काही दिवसांपासून ते आजारी होते. त्यांच्यावर दुबईतील रुग्णालयात उपचार सुरु होते.
त्यांच्या प्रकृतीत सुधारणा होत असताना आज त्यांची प्रकृती जास्त खालावली यानंतर त्यांचे निधन झाले. परवेझ मुशर्रफ यांनीच 1999 मध्ये तत्कालीन पंतप्रधान नवाझ शरीफ यांना न सांगता भारताविरुद्ध कारगिल युद्ध सुरू केले होते. लष्करप्रमुख असताना त्यांनी सत्तापालट करून पाकिस्तानात मार्शल लॉ जाहीर केला होता.
पाकिस्तानातील सर्वात भ्रष्ट लष्करी शासकांमध्ये त्यांची गणना होते. परवेझ मुशर्रफ यांच्यामुळेच भारत-पाकिस्तानमधील वैर अधिक गडद झाल्याचा दावा केला जात आहे. कारगिल युद्धाच्या वेळी परवेझ मुशर्रफ हे पाकिस्तानी लष्कराचे प्रमुख होते. अनेक कारगिल युद्धाबाबत मुशर्रफ यांनी तत्कालीन पंतप्रधान नवाझ शरीफ यांना अंधारात ठेवले होते.
मुशर्रफ यांनी देश सोडताच 1999 मध्ये तत्कालीन पंतप्रधान नवाझ शरीफ यांना लष्करी उठाव करून पदच्युत केले. त्यावेळी नवाझ शरीफ श्रीलंकेच्या दौऱ्यावर गेले होते. प्रथम त्यांनी मार्शल लॉ लागू केला आणि नंतर स्वतःला पाकिस्तानचे राष्ट्राध्यक्ष घोषित केले. 12 ऑक्टोबर 1999 रोजी पाकिस्तानमध्ये लष्करी उठाव झाला. ऑक्टोबर 1999 मध्ये तत्कालीन पंतप्रधान नवाझ शरीफ यांनी मुशर्रफ यांना त्यांच्या पदावरून हटवण्याचा प्रयत्न केला.
यानंतरच मुशर्रफ यांनी त्यांच्या निष्ठावान सेनापतींसोबत शरीफ यांना पदच्युत करण्याचा कट रचला. 11 सप्टेंबर 2001 च्या हल्ल्यानंतर मुशर्रफ यांनी अमेरिकेने अफगाणिस्तानवर केलेल्या हल्ल्याचे समर्थन केले होते.
