Google Play Store : स्मार्टफोन वापरकर्त्यांसाठी (Smartphone users) एक महत्त्वाची माहिती समोर आली आहे. गुगल प्ले स्टोअरवर पुन्हा SharkBot व्हायरस (SharkBot virus) आला आहे.
हा व्हायरस दोन अॅप्समध्ये सापडला असून जर कोणी हे अॅप (App) डाउनलोड केले असेल तर तातडीने डिलीट करा, नाहीतर तुमचे बँक अकाऊंट (Bank account) रिकामे होईल.
शार्कबॉट व्हायरसचा धोका
आता पुन्हा एकदा असाच अहवाल समोर आला आहे. गुगल प्ले स्टोअरवरील दोन अॅप्समध्ये SharkBot मालवेअर (SharkBot malware) दिसल्याचे त्यात नमूद करण्यात आले आहे. अशा परिस्थितीत, जर तुम्ही हे अॅप्स फोनमध्ये डाउनलोड केले असतील तर ते त्वरित हटवा.
हे अॅप्स 60 हजारांहून अधिक वेळा इन्स्टॉल करण्यात आले. जेव्हा हे अॅप्स Google Play Store वर पुनरावलोकनासाठी सबमिट केले गेले तेव्हा त्यात कोणतेही दुर्भावनापूर्ण कोड नव्हते.
पण, हे अॅप इन्स्टॉल केल्यानंतर, जेव्हा यूजर ते ओपन करत असे, तेव्हा त्यात शार्कबॉट मालवेअर अपडेटच्या माध्यमातून इन्स्टॉल झाला होता.
एनसीसी ग्रुपच्या फॉक्स आयटीने एका ब्लॉग पोस्टमध्ये ही माहिती दिली आहे. असे सांगण्यात आले आहे की Mister Phone Cleaner आणि Kylhavy Mobile Security हे दोन्ही दुर्भावनापूर्ण अॅप्स आहेत, हे अॅप्स 60 हजाराहून अधिक वेळा इन्स्टॉल करण्यात आले होते.
तथापि, एक चांगली गोष्ट म्हणजे दोन्ही अॅप्स Google Play Store वरून काढून टाकण्यात आले आहेत. पण, ज्यांनी हे अॅप्स इन्स्टॉल केले आहेत त्यांना आता धोका आहे. यामुळे त्यांना त्यांच्या फोनमधूनही हे अॅप्स डिलीट करावे लागतील. हा मालवेअर लोकांचे बँकिंग तपशील चोरतो.
मालवेअर विश्लेषक क्लीफीने गेल्या वर्षी ऑक्टोबरमध्ये शार्कबॉटबद्दल सांगितले होते. ही एक इटालियन (Italian) फसवणूक व्यवस्थापन आणि प्रतिबंधक कंपनी आहे. NCC ग्रुपने मार्च 2022 मध्ये Google Play Store मध्ये प्रथम मालवेअर शोधला.