7th Pay Commission : देशातील केंद्रीय कर्मचारी 2025 च्या दुसऱ्या सहामाहीत महागाई भत्ता किती वाढणार? असा प्रश्न उपस्थित करत आहेत. खरंतर मार्च 2025 मध्ये केंद्रीय सरकारी कर्मचाऱ्यांचा महागाई भत्ता दोन टक्क्यांनी वाढविण्यात आला. 78 महिन्यांमधील ही सर्वाधिक कमी महागाई भत्ता वाढ होती.
कर्मचाऱ्यांना निदान तीन – चार टक्के महागाई भत्ता वाढ होणार अशी अपेक्षा होती. मात्र, कर्मचाऱ्यांना प्रत्यक्षात फक्त दोन टक्के महागाई भत्ता वाढीचा लाभ मिळाला. ही महागाई भत्ता वाढ जानेवारी 2025 पासून लागू करण्यात आली आहे.
दरम्यान आता जुलै 2025 पासून पुन्हा एकदा सरकारी कर्मचाऱ्यांचा महागाई भत्ता सुधारित केला जाणार आहे. गेल्या महागाई भत्ता वाढीमुळे केंद्रीय सरकारी कर्मचाऱ्यांना सध्या 55 टक्के दराने महागाई भत्ता मिळतोय.
दरम्यान आता पुढील सहामाहीत म्हणजे जुलै महिन्यापासून केंद्रीय सरकारी कर्मचाऱ्यांचा महागाई भत्ता किती वाढणार याबाबतची आकडेवारी समोर येऊ लागली आहे.
किती वाढणार महागाई भत्ता?
केंद्र सरकारी कर्मचाऱ्यांना वर्षातून दोनदा महागाई भत्ता वाढीचा लाभ दिला जात असतो. दरवर्षी केंद्र सरकारी कर्मचाऱ्यांना मार्च महिन्यात आणि सप्टेंबर महिन्यात महागाई भत्ता वाढीचा लाभ मिळतो मात्र ही महागाई भत्ता वाढ अनुक्रमे जानेवारी आणि जुलै महिन्यापासून लागू केली जाते.
यानुसार यावर्षी मार्च महिन्यात केंद्रीय सरकारी कर्मचाऱ्यांचा महागाई भत्ता सुधारित करण्यात आला असून ही वाढ जानेवारी महिन्यापासून लागू करण्यात आली आहे आणि आता सप्टेंबर महिन्याच्या आसपास पुन्हा एकदा महागाई भत्ता सुधारित होणार आहे आणि ही वाढ जुलै महिन्यापासून लागू होणार आहे.
महत्त्वाची बाब अशी की सातवा वेतन आयोगातील ही शेवटचीच महागाई भत्ता वाढ राहू शकते. 2025 च्या दुसऱ्या सहामाहीत केंद्रीय सरकारी कर्मचाऱ्यांचा महागाई भत्ता पुन्हा एकदा दोन टक्क्यांनीच वाढणार असे संकेत मिळत आहेत.
महागाई भत्ता आकडेवारी काय सांगते?
केंद्रीय सरकारी कर्मचाऱ्यांचा महागाई भत्ता एआयसीपीआयच्या आकडेवारीनुसार ठरवला जात असतो. जानेवारी ते जून 2025 या कालावधीमधील या एआयसीपीआयच्या आकडेवारीनुसार जुलै महिन्यापासून महागाई भत्ता किती वाढणार हे ठरणार आहे.
दरम्यान आत्तापर्यंत एआयसीपीआयची जानेवारी फेब्रुवारी आणि मार्च या तीन महिन्याच्या आकडेवारी समोर आली असून यामध्ये महागाईचा दर कमालीचा खाली गेलेला आहे. यामुळे जुलै महिन्यापासून फक्त दोन टक्के दराने महागाई भत्ता वाढणार असे म्हटले जात आहे.
मात्र असे असले तरी याबाबतचा निर्णय हा जानेवारी ते जून 2025 या कालावधीमधील एलआयसीपीआयचे निर्देशांक जाहीर झाल्यानंतर होणार आहे. यामुळे आगामी काळात एआयसीपीआयचे निर्देशांक काय सूचित करतात हे पाहण्यासारखे राहणार आहे.
