7th Pay Commission : सातवा वेतन आयोग अंतर्गत कार्यरत सरकारी कर्मचाऱ्यांसाठी महागाई भत्ता वाढी संदर्भात एक महत्त्वाचे अपडेट समोर येत आहे. महागाई भत्ता हा सरकारी कर्मचाऱ्यांचा एक जिव्हाळ्याचा विषय. खरंतर सातवा वेतन आयोगाच्या माध्यमातून सद्यस्थितीला वर्षातून दोनदा सरकारी कर्मचाऱ्यांचा महागाई भत्ता वाढवला जातो.
प्रत्येक सहा महिन्यांनी सरकारी कर्मचाऱ्यांचा महागाई भत्ता वाढतो. सध्या केंद्रीय सरकारी कर्मचाऱ्यांना 55 टक्के दराने महागाई भत्ता मिळत आहे. मार्च महिन्यात केंद्र सरकारी कर्मचाऱ्यांचा महागाई भत्ता वाढवण्यात आला होता आणि तेव्हा महागाई भत्ता 55 टक्क्यांवर पोहोचला. त्या आधी महागाई भत्ता 53% एवढा होता.
मार्च महिन्यात केंद्र सरकारी कर्मचाऱ्यांचा महागाई भत्ता 2% वाढला आणि ही वाढ जानेवारी 2025 पासून लागू करण्यात आली. दरम्यान आता जुलै महिन्यात पुन्हा एकदा केंद्रीय सरकारी कर्मचाऱ्यांचा महागाई भत्ता सुधारित होणार आहे. आता आपण जुलै महिन्यात केंद्रीय सरकारी कर्मचाऱ्यांचा महागाई भत्ता किती वाढणार याबाबतची माहिती पाहणार आहोत.
किती वाढणार महागाई भत्ता ?
सरकारी कर्मचाऱ्यांचा महागाई भत्ता वर्षातून दोनदा वाढत असतो. महागाई भत्ता वाढ दरवर्षी जानेवारी आणि जुलै महिन्यापासून लागू केली जाते. जी की एआयसीपीआय निर्देशांक जानेवारी ते जून आणि जुलै ते डिसेंबर या आकडेवारीवर अवलंबून असते. ही आकडेवारी दरमहा 30 किंवा 31 तारखेला जारी होत असते.
मार्च महिन्यात केंद्रीय सरकारी कर्मचाऱ्यांचा महागाई भत्ता दोन टक्क्यांनी वाढवण्यात आला ही वाढ जानेवारी महिन्यापासून लागू करण्यात आली आणि ही वाढ जुलै 2024 ते डिसेंबर 2024 या कालावधीमधील एआयसीपीआयच्या आकडेवारीनुसार ठरली.
आता जानेवारी 2025 ते जून 2025 या कालावधीमधील या सीपीआयच्या आकडेवारीनुसार जुलै 2025 पासून महागाई भत्ता किती वाढणार हे ठरणार आहे. महत्त्वाची बाब अशी की आतापर्यंत जानेवारी फेब्रुवारी आणि मार्च या तीन महिन्यांची एआयसीपीआयची आकडेवारी समोर आली आहे.
यावर्षी आतापर्यंत जानेवारी, फेब्रुवारी आणि मार्च या तीन महिन्यांचे सीपीआय-आयडब्ल्यू निर्देशांक कामगार मंत्रालयाने जाहीर केले आहेत. यानुसार, जानेवारी 2025 मध्ये एआयसीपीआय निर्देशांक 143.2 होते. फेब्रुवारीमध्ये एआयसीपीआय-आयडब्ल्यू 0.4 गुणांनी घसरून 142.8 वर आलेत.
तसेच मार्चमध्ये ते 2 गुणांनी वाढून 143.0 वर पोहचले आहेत, आणि महागाई भत्ता 57.06% पर्यंत पोहोचला आहे. मात्र असे असले तरी एप्रिल, मे आणि जूनची आकडेवारी समोर आल्यानंतरच प्रत्यक्षात महागाई भत्ता किती वाढणार हे स्पष्ट होणार आहे. मात्र जर पुढील तीन महिने एआयसीपीआयची आकडेवारी अशीच वाढत राहिली आणि महागाई भत्ता स्कोर 58% पर्यंत पोहोचला तर यावेळी डीए मध्ये तीन टक्क्यांची वाढ होण्याची शक्यता आहे.
म्हणजे जुलै महिन्यापासून केंद्र सरकारी कर्मचाऱ्यांचा महागाई भत्ता 58% होऊ शकतो. याबाबतचा निर्णय हा साधारणतः सप्टेंबर किंवा ऑक्टोबर महिन्यात होईल आणि ही वाढ जुलै 2025 पासून लागू राहील.
महाराष्ट्र राज्य सरकारी कर्मचाऱ्यांचा महागाई भत्ता कधी वाढणार?
सध्या केंद्रीय कर्मचाऱ्यांचा महागाई भत्ता 55% एवढा आहे. मात्र महाराष्ट्र राज्य शासकीय सेवेत कार्यरत असणाऱ्या सरकारी कर्मचाऱ्यांचा आणि पेन्शनधारकांचा महागाई भत्ता अजूनही 53% एवढाच आहे.
परंतु येत्या काही दिवसांनी राज्य सरकारी कर्मचाऱ्यांचा महागाई भत्ता केंद्रीय कर्मचाऱ्यांच्या धरतीवर 55 टक्के होणार आहे. महत्त्वाचे म्हणजे ही वाढ जानेवारी महिन्यापासून लागू राहील. अर्थातच राज्य कर्मचाऱ्यांना जानेवारी महिन्यापासूनची महागाई भत्ता फरकाची रक्कम सुद्धा मिळणार आहे.
