8th Pay Commission : 16 मार्च 2025 रोजी केंद्रातील मोदी सरकारने सरकारी कर्मचाऱ्यांसाठी आठवा वेतन आयोगाला मान्यता दिली. सरकारने आठवा वेतन आयोगाच्या स्थापनेला मान्यता दिलेली आहे मात्र अजूनही आठवावेतन आयोगाच्या समितीचे अध्यक्ष आणि समिती मधील सदस्यांची निवड झालेली नाही.
पण लवकरच अध्यक्ष आणि सदस्यांची निवड होईल आणि त्यानंतर या समितीच्या माध्यमातून आठवा वेतन आयोगासाठी च्या शिफारशी सरकारकडे सुपूर्द केल्या जाणार आहेत. सरकारकडे शिफारशी सुपूर्द झाल्यानंतर मग सरकार या शिफारशी स्वीकारून सरकारी कर्मचाऱ्यांना आठवा वेतन आयोग लागू होणार आहे.
मिळालेल्या माहितीनुसार केंद्रीय सरकारी कर्मचाऱ्यांना एक जानेवारी 2026 पासून नवा आठवा वेतन आयोग लागू होण्याची शक्यता आहे. खरंतर सध्याचा सातवा वेतन आयोग हा 1 जानेवारी 2016 पासून सरकारी कर्मचाऱ्यांना लागू झाला होता.
वेतन आयोगाचा आतापर्यंतचा इतिहास पाहिला असता प्रत्येक दहा वर्षांनी नवा वेतन आयोग लागू होत आला आहे. यामुळे आठवा वेतन आयोग हा 1 जानेवारी 2026 पासून लागू होऊ शकतो असा एक अंदाज आहे. दरम्यान आता याचा आठवा वेतन आयोगाबाबत एक मोठी अपडेट समोर आली आहे.
आठवा वेतन आयोगाचा किती आणि कोणत्या कर्मचाऱ्यांना लाभ मिळणार याबाबत केंद्रीय अर्थमंत्री निर्मला सीतारामन यांनी नुकतीच एक मोठी माहिती दिली आहे.
अर्थमंत्री निर्मला सीतारमण यांनी आज 19 मार्च 2025 रोजी संसदेत आठवा वेतन आयोगाबाबत माहिती देताना असे सांगितले की, आठवा वेतन आयोग 36 लाखांहून अधिक केंद्रीय सरकारी नागरी कर्मचारी आणि निवृत्तीवेतनधारकांसाठी फायदेशीर ठरणार आहे.
ज्यामध्ये संरक्षण कर्मचारी आणि त्यांच्या कुटुंबांचा समावेश आहे. या वेतन आयोगाचा नेमका किती कर्मचाऱ्यांना लाभ होणार याबाबत माहिती देताना त्यांनी एक आकडेवारी सादर केली.
त्या आकडेवारीनुसार आठवा वेतन आयोगाचा लाभ केंद्र सरकारचे 33.57 लाख नागरी कर्मचारी (1 मार्च 2025 पर्यंत) यांना होणार आहे तसेच 33.91 लाख पेन्शनधारक/कुटुंब पेन्शनधारक (31 डिसेंबर 2024 पर्यंत) लोकांना सुद्धा नव्या वेतन आयोगाचा लाभ मिळणार आहे.
सीतारमण यांनी सरकार आठवा वेतन आयोगाच्या स्थापनेवर सक्रियपणे काम करत असून सध्या अर्थ मंत्रालय, संरक्षण मंत्रालय, गृह मंत्रालय, कार्मिक आणि प्रशिक्षण विभाग तसेच राज्य सरकारच्या माध्यमातून आलेल्या सूचनांचा विचार होत असल्याची माहिती दिली आहे.
