Bank Of Baroda FD Scheme : तुम्हीही नजीकच्या भविष्यात फिक्स डिपॉझिट मध्ये पैसा गुंतवण्याचा तयारीत आहात का मग तुमच्यासाठी आजची बातमी कामाची ठरणार आहे. आज आपण बँक ऑफ बडोदा च्या फिक्स डिपॉझिट योजनेची माहिती पाहणार आहोत.
बँक ऑफ बडोदा च्या चारशे दिवसाच्या एफडी योजनेत गुंतवणूक केल्यास गुंतवणूकदारांना किती रिटर्न मिळणार याबाबत आता आपण माहिती जाणून घेणार आहोत.
बँक ऑफ बडोदाची चारशे दिवसांची एफडी योजना कशी आहे ?
बँक ऑफ बडोदा ही देशातील एक प्रमुख सरकारी बँक आहे. भारतात एकूण 12 पीएसबी म्हणजेच पब्लिक सेक्टर बँका आहेत. यात बँक ऑफ बडोदा ही एक महत्त्वाची बँक असून या बँकेच्या माध्यमातून आपल्या ग्राहकांसाठी विविध प्रकारच्या योजना सुरू केल्या जात आहेत.
बँक आपल्या ग्राहकांना परवडणाऱ्या व्याजदरात विविध प्रकारचे कर्ज उपलब्ध करून देते शिवाय बँकेकडून एफडी करणाऱ्यांना देखील चांगला परतावा दिला जात आहे. दरम्यान आता आपण बँकेच्या चारशे दिवसांच्या एफडी योजनेची माहिती पाहणार आहोत.
बँकेकडून प्राप्त झालेल्या माहितीनुसार बँक ऑफ बडोदा वेगवेगळ्या कालावधीच्या एफडीवर 4.25% पासून ते 7.30 टक्क्यांपर्यंतचे व्याजदर ऑफर करत आहे.
बँक ऑफ बडोदा आपल्या ग्राहकांसाठी 400 दिवसांची विशेष एफडी योजना राबवत आहे. या स्पेशल एफडी स्कीमला बँकेकडून उत्सव डिपॉझिट स्कीम असे नाव देण्यात आले आहे.
या एफ डी स्कीम मध्ये गुंतवणूक करणाऱ्या सामान्य ग्राहकांना 7.30% आणि जेष्ठ नागरिक ग्राहकांना 7.80% दराने व्याज दिले जात आहे. म्हणजेच 60 वर्षांवरील नागरिकांना या एफ डी स्कीम मध्ये गुंतवणूक केल्यास चांगले रिटर्न मिळत आहेत.
चार लाख गुंतवल्यास किती मिळणार?
बँक ऑफ बडोदाच्या उत्सव डिपॉझिट स्कीम मध्ये जर एखाद्या सामान्य ग्राहकाने चार लाख रुपयांची गुंतवणूक केली तर त्याला चार लाख 33 हजार 2 रुपये मिळणार आहेत म्हणजेच 33 हजार 2 रुपये त्याला रिटर्न म्हणून मिळतील.
मात्र याच योग्य स्कीम मध्ये गुंतवणूक करणाऱ्या सीनियर सिटीजन ग्राहकांना म्हणजेच 60 वर्षांवरील ग्राहकांना चार लाख 35 हजार 337 रुपये मिळणार आहेत म्हणजे चार लाखाच्या गुंतवणुकीतून 60 वर्षांवरील ग्राहकांना 35,337 रुपये रिटर्न मिळणार आहेत.
