Bank Of Baroda FD Scheme : तुम्ही फिक्स डिपॉझिट मध्ये गुंतवणुकीच्या तयारीत आहात का? अहो मग तुमच्यासाठी आजचा हा लेख विशेष कामाचा ठरणार आहे. खरे तर आरबीआय ने नुकत्याच काही दिवसांपूर्वी रेपो दरात कपात करण्याचा निर्णय घेतलेला आहे.
या निर्णयानंतर बँकांच्या माध्यमातून कर्जाचे व्याजदर कमी केले जाणार आहे यासोबतच एफडीच्या व्याजदरात देखील बँका कपात करणार आहेत. कर्जाचे व्याजदर कमी झाले सर्वसामान्य नागरिकांना फायदा तर मिळणारच आहे.
मात्र एफडीच्या व्याजदरात कपात होणार असल्याने याचा सुद्धा सर्वसामान्य नागरिकांना मोठा फटका बसणार आहे. एफडी मध्ये गुंतवणूक करणाऱ्यांना आगामी काळात एफडी मधून फारसा परतावा मिळणार नाही.
तथापि आरबीआयच्या या निर्णयानंतरही बँकांनी एफडीच्या व्याजदरात अजून कपात केलेली दिसत नाही. यामुळे सध्याचा काळ हा एफडी साठी सर्वोत्कृष्ट ठरू शकतो. दरम्यान आता आपण बँक ऑफ बडोदा च्या पाच वर्षांच्या एफडी योजनेची माहिती पाहणार आहोत.
कशी आहे बँक ऑफ बडोदाची पाच वर्षांची एफडी योजना?
बँक ऑफ बडोदा आपल्या ग्राहकांना 3 वर्षांपेक्षा अधिक अन पाच वर्ष कालावधीच्या एफडीवर आपल्या ग्राहकांना चांगले व्याज देत आहे. या कालावधीच्या एफडी मध्ये सामान्य ग्राहकांनी गुंतवणूक केली तर त्यांना 6.80% आणि ज्येष्ठ नागरिकांनी गुंतवणूक केल्यास त्यांना 7.40% दराने परतावा दिला जात आहे. आता आपण या एफडी योजनेत पाच लाखाची गुंतवणूक केल्यास किती रिटर्न मिळणार याची कॅल्क्युलेशन पाहूयात.
सामान्य ग्राहकांना किती रिटर्न मिळणार
बँक ऑफ बडोदाच्या पाच वर्षांच्या एफडी योजनेत सामान्य ग्राहकांनी गुंतवणूक केली तर त्यांना 6.80% दराने मॅच्युरिटीवर सात लाख 469 रुपये मिळणार आहेत. अर्थात सामान्य ग्राहकांना पाच वर्षांच्या काळात पाच लाखाच्या गुंतवणुकीतून 2 लाख 469 रुपयांचे व्याज स्वरूपात रिटर्न मिळणार आहेत.
ज्येष्ठ नागरिकांना किती रिटर्न मिळणार?
बँक ऑफ बडोदाच्या पाच वर्षांच्या एफडी योजनेत सीनियर सिटीजन ग्राहकांनी गुंतवणूक केली तर त्यांना 7.40% दराने मॅच्युरिटीवर म्हणजेच पाच वर्षांचा काळ पूर्ण झाल्यानंतर 7 लाख 21 हजार 424 रुपये मिळणार आहेत. यामध्ये दोन लाख 21 हजार 424 रुपये हे सिनिअर सिटीजन ग्राहकांना व्याज म्हणून मिळणार आहेत.
