Canara Bank FD Scheme : फिक्स डिपॉझिट मध्ये गुंतवणूक करायची आहे का ? मग तुमच्यासाठी आजची बातमी कामाची राहणार आहे. आज आपण कॅनरा बँकेच्या फिक्स डिपॉझिट योजनेची माहिती पाहणार आहोत. गेल्या काही महिन्यांमध्ये देशभरातील विविध प्रमुख बँकांकडून फिक्स डिपॉझिटचे व्याजदर कमी करण्यात आले आहेत.
एसबीआय, एचडीएफसी, आयसीआयसीआय, बँक ऑफ बडोदा सहित देशातील सर्वच प्रमुख बँकांनी एफडीचे व्याजदर कमी केलेत आणि यामुळे एफडी मध्ये गुंतवणूक करू इच्छिणाऱ्या ग्राहकांना मोठा फटका बसला आहे.
पण कॅनरा बँक आजही आपल्या ग्राहकांना चांगले व्याजदर ऑफर करत आहे. म्हणूनच आज आम्ही तुम्हाला कॅनरा बँकेच्या 24 महिन्यांच्या फिक्स डिपॉझिट योजनेची माहिती पाहणार आहोत.
कशी आहे कॅनरा बँकेची फिक्स डिपॉझिट योजना ?
सार्वजनिक क्षेत्रातील कॅनरा बँक आपल्या ग्राहकांना सात दिवसांपासून ते दहा वर्षे कालावधीची एफडी योजना ऑफर करते. कॅनरा बँकेकडून या फिक्स डिपॉझिट योजनेत गुंतवणूक करणाऱ्या ग्राहकांना 3.50% ते 7.10% दराने व्याज दिले जात आहे.
कॅनरा बँकेकडून 24 महिन्याच्या एफडी योजनेत गुंतवणूक करणाऱ्या गुंतवणूकदारांना चांगले व्याज दिले जात आहे. कॅनरा बँक 24 महिन्यांच्या म्हणजे दोन वर्षांचा एफडी योजनेत गुंतवणूक करणाऱ्या गुंतवणूकदारांना सध्या स्थितीला 6.50% दराने व्याज देत आहे.
महत्वाची बाब म्हणजे याच FD योजनेत गुंतवणूक करणाऱ्या ज्येष्ठ नागरिक ग्राहकांना बँकेकडून सात टक्के दराने म्हणजेच 0.50% अधिकचे व्याज दिले जात आहे. आता आपण कॅनरा बँकेच्या 24 महिन्यांचा एफडी योजनेत 2 लाखांची गुंतवणूक केल्यास किती रिटर्न मिळणार ? याचे कॅल्क्युलेशन समजून घेऊयात.
कॅनरा बँकेच्या 24 महिन्यांच्या एफडी योजनेत दोन लाखांची गुंतवणूक केल्यास किती रिटर्न मिळणार ?
कॅनरा बँकेच्या 24 महिन्यांच्या दोन लाखाची गुंतवणूक केल्यास गुंतवणूकदारांना दोन लाख 27 हजार 528 रुपये मिळणार आहेत म्हणजेच 27 हजार 528 रुपये व्याज म्हणून सामान्य ग्राहकांना रिटर्न मिळतील.
जर समजा याच कालावधीच्या म्हणजे 24 महिन्यांच्या एफडी योजनेत सिनिअर सिटीजन ग्राहकांनी दोन लाखांची गुंतवणूक केली तर त्यांना दोन लाख 29 हजार 776 मिळणार आहेत म्हणजेच 29 हजार 776 रुपये व्याज म्हणून रिटर्न मिळतील.
