Gold Rate Today : सोने खरेदीच्या तयारीत असणाऱ्या सर्वसामान्य ग्राहकांसाठी आणि गुंतवणूकदारांसाठी एक दिलासादायक बातमी समोर आली आहे. गेल्या पाच दिवसांमध्ये सोन्याचे रेट मोठ्या प्रमाणात कमी झाले आहेत.
आज 28 जुलै रोजी देखील सोन्याचे रेट दबावात आहे. खरंतर या मौल्यवान धातूची किंमत पाच दिवसांपूर्वी अर्थातच 23 जुलै रोजी एक लाख 2330 रुपये प्रति दहा ग्रॅम इतकी होती.
मात्र 24 जुलैपासून या मौल्यवान धातूच्या किमतीत घसरण सुरू झाली. गत पाच दिवसांच्या काळात 24 कॅरेट शुद्ध सोन्याच्या किमतीत दहा ग्रॅम मागे 2400 रुपयांची घसरण झाली आहे.
चांदीच्या किमतीतही गेल्या पाच दिवसांच्या काळात किलोमागे 3000 रुपयांची घसरण झाली आहे. अशा परिस्थितीत आता आपण सोन्याचे आणि चांदीचे ताजे दर कसे आहेत याचा आढावा घेऊयात.
महाराष्ट्रातील प्रमुख शहरांमधील सोन्याच्या किमती
18 कॅरेट सोन्याचे रेट : मुंबई, पुणे, नागपूर, ठाणे, कोल्हापूर, जळगाव या शहरांमध्ये 18 कॅरेट सोन्याचे रेट 74 हजार 950 रुपये प्रति दहा ग्रॅम असे आहेत. नाशिक, लातूर, वसई विरार, ठाणे, भिवंडी या शहरांमध्ये 18 कॅरेट सोन्याचे रेट 74 हजार 980 रुपये प्रति दहा ग्रॅम असे आहेत.
22 कॅरेट सोन्याचे रेट कसे आहेत : मुंबई, पुणे, नागपूर, ठाणे, कोल्हापूर, जळगाव या शहरांमध्ये 22 कॅरेट सोन्याचे रेट 91 हजार 600 रुपये प्रति दहा ग्रॅम असे आहेत. नाशिक, लातूर, वसई विरार, ठाणे, भिवंडी या शहरांमध्ये 22 कॅरेट सोन्याचे रेट 91 हजार 630 रुपये प्रति दहा ग्रॅम असे आहेत.
24 कॅरेट सोन्याचे रेट कसे आहेत : मुंबई, पुणे, नागपूर, ठाणे, कोल्हापूर, जळगाव या शहरांमध्ये 24 कॅरेट शुद्ध सोन्याचे रेट 99 हजार 930 रुपये प्रति दहा ग्रॅम असे आहेत. नाशिक, लातूर, वसई विरार, ठाणे, भिवंडी या शहरांमध्ये 24 कॅरेट सोन्याचे रेट 99 हजार 960 रुपये प्रति दहा ग्रॅम असे आहेत.
चांदीची किमत कशी आहे?
23 जुलै रोजी चांदीची किंमत एक लाख 19 हजार रुपये प्रति किलो अशी होती. 26 जुलै रोजी मात्र चांदीची किंमत एक लाख 16 हजार रुपये प्रति किलो अशी झाली.
काल 27 आणि आज 28 जुलै रोजी चांदीची किंमत स्थिर राहिली आहे. म्हणजेच सध्या या मौल्यवान धातूची किंमत एक लाख 16 हजार रुपये प्रति किलो अशी आहे.
