HDFC Bank FD Scheme : फिक्स डिपॉझिट मध्ये गुंतवणूक करणाऱ्यांसाठी खाजगी क्षेत्रातील एचडीएफसी बँकेचा पर्याय सर्वोत्कृष्ट ठरतोय. एचडीएफसी ही देशातील सर्वात मोठी खाजगी बँक. ही बँक आपल्या ग्राहकांना आकर्षित करण्यासाठी एफडीवर चांगले व्याज ऑफर करते.
बँकेची 55 महिने कालावधीची एफडी योजना सर्वाधिक व्याज परतावा देणारी योजना म्हणून ओळखली जाते. ही बँक आपल्या ग्राहकांना एफडीवर तीन टक्क्यांपासून ते 7.40 टक्क्यांपर्यंतचे व्याज देते.
बँकेच्या माध्यमातून सात दिवसांपासून ते दहा वर्षे कालावधीची एफ डी ऑफर केली जाते. दरम्यान आज आपण बँकेच्या 55 महिने कालावधीच्या एफडी योजनेची संपूर्ण माहिती जाणून घेण्याचा प्रयत्न करणार आहोत.
एचडीएफसी बँकेची 55 महिने कालावधीची एफ डी योजना कशी आहे?
55 महिने कालावधीची एफडी योजना बँकेची सर्वाधिक व्याज परतावा देणारी योजना म्हणून ओळखली जाते. यामध्ये गुंतवणूक करणाऱ्या सामान्य ग्राहकांना 7.40% या दराने व्याज परतावा दिला जातोय.
याच कालावधीच्या एफडी योजनेत मात्र सीनियर सिटीजन ग्राहकांना सामान्य ग्राहकांपेक्षा अधिकचे व्याज मिळते. सिनिअर सिटीजन ग्राहकांना 0.50 टक्के दराने अधिकचा व्याज परतावा मिळतो.
अर्थातच 55 महिने कालावधीच्या एफडी योजनेत सीनियर सिटीजन ग्राहकांना 7.90% दराने व्याज दिले जाते. यामुळे या FD योजनेत गुंतवणूक करणाऱ्यांची संख्या अलीकडे वाढली आहे. महिला वर्ग देखील या कालावधीच्या एफडी योजनेत मोठ्या प्रमाणात गुंतवणूक करत असल्याचे चित्र आहे.
एचडीएफसीची एफडी योजना SBI पेक्षा फायद्याची ठरणार ! 55 महिन्याच्या एफडीत 5 लाख गुंतवले तर मिळणार इतके रिटर्न
55 महिने कालावधीच्या एफडी योजनेत पाच लाख रुपयांची गुंतवणूक केली तर सामान्य ग्राहकांना मॅच्युरिटी वर सहा लाख 99 हजार 583 रुपये मिळणार आहेत. म्हणजेच एक लाख 99 हजार 583 रुपये व्याज म्हणून दिले जाणार आहेत.
दुसरीकडे याच कालावधीच्या एफडी योजनेत सीनियर सिटीजन ग्राहकांनी पाच लाख रुपये गुंतवले तर त्यांना सात लाख पंधरा हजार 485 रुपये मिळणार आहेत. म्हणजेच दोन लाख पंधरा हजार 485 रुपये व्याज म्हणून दिले जाणार आहेत.
