Home Loan EMI : स्टेट बँक ऑफ इंडिया ही देशातील सर्वात मोठी सरकारी बँक. ही बँक आपल्या ग्राहकांना परवडणाऱ्या व्याजदरात होम लोन उपलब्ध करून देत आहे. अलीकडे एसबीआयच्या होम लोन च्या व्याजदरात मोठी कपात सुद्धा झाली आहे.
खरंतर आरबीआय कडून गेल्या आर्थिक वर्षाच्या शेवटी रेपो रेटमध्ये 0.25% कपात करण्यात आली. या कपातीनंतर रेपो रेट 6.25 टक्क्यांपर्यंत कमी झालेत यानंतर या आर्थिक वर्षाच्या सुरुवातीला रेपो रेट पुन्हा एकदा 0.25% ने कमी झालेत.
या कपाती नंतर रेपो रेट 6.25 टक्क्यांवरून सहा टक्क्यांपर्यंत खाली आले आहेत. दरम्यान, आरबीआयने रेपो रेट मध्ये कपात करण्याचा निर्णय घेतल्यानंतर देशभरातील विविध बँकांकडूनही विविध प्रकारच्या कर्जाच्या व्याज दरात कपात करण्यात आली आहे.
एसबीआयने सुद्धा होम लोनच्या व्याजदरात कपात करण्याचा निर्णय आरबीआयच्या रेपो रेट मधील कपातीनंतरच घेतलाय. आता आपण एसबीआयचे सध्याचे होम लोनचे व्याजदर जाणून घेणार आहोत.
एसबीआयचे सध्याचे होम लोनचे व्याजदर
सध्या स्थितीला भारतातील सर्वात मोठी सरकारी बँक स्टेट बँक ऑफ इंडिया आपल्या ग्राहकांना 8% ते 8.95% व्याजदरात होम लोन उपलब्ध करून देत आहे.
टॉप अप होम लोन बाबत बोलायचं झालं तर एसबीआय आपल्या ग्राहकांना 8.50% ते 11% व्याजदरात बँकेकडून टॉप-अप होम लोन दिले जात आहे.
मात्र बँकेच्या किमान व्याजदराचा फायदा हा फक्त ज्या लोकांचा सिबिल स्कोर 800 च्या आसपास असतो त्यांनाच मिळतो. सिबिल स्कोर हा 300 ते 900 दरम्यान गणला जातो.
या लोकांचा सिबिल स्कोर 750 पेक्षा अधिक असतो, त्यांचा सिबिल स्कोर चांगला समजला जातो आणि अशा लोकांना बँकेकडून लवकरात लवकर कर्ज मंजूर होते तसेच व्याजदर सुद्धा आटोक्यात राहतात.
बँकेकडून 35 लाखांचे होम लोन घेतल्यास कितीचा EMI भरावा लागणार?
जर समजा एसबीआय कडून 30 वर्ष कालावधीसाठी 35 लाखांचे होम लोन 8% व्याजदरात मंजूर झाले तर अशा ग्राहकाला 25 हजार 682 रुपयांचा मासिक हप्ता भरावा लागणार आहे.
म्हणजेच संबंधित ग्राहकाला 92 लाख 45 हजार 520 रुपये भरावे लागणार आहेत. म्हणजेच तीस वर्षांच्या काळात 57 लाख 45 हजार 520 रुपये सदर ग्राहकाला फक्त व्याज म्हणून बँकेला द्यावे लागतील.
