Ladki Bahin Yojana : लाडकी बहीण योजना ही गेल्या शिंदे सरकारने सुरू केलेली एक महत्त्वकांक्षी योजना आहे. या योजनेची घोषणा जुन 2024 मध्ये करण्यात आली होती आणि त्यानंतर लगेचच या योजनेची अंमलबजावणी सुरू झाली. या अंतर्गत पात्र ठरणाऱ्या महिलांना दरमहा पंधराशे रुपये दिले जात आहे.
या योजनेचा पहिला हप्ता हा जुलै 2024 मध्ये मिळाला होता. म्हणजेच ही योजना सुरू होऊन आता बारा महिन्यांचा काम पूर्ण झाला आहे. दुसरीकडे आता सरकारकडून या योजनेच्या अर्जदारांची पडताळणी सुरू झाली आहे आणि या योजनेतून अनेक महिलांचे अर्ज बाद करण्यात आले आहेत.
दरम्यान मंत्री छगन भुजबळ यांनी या योजने संदर्भात नुकतेच एक विधान केले आहे. त्यांनी ज्यांच्याकडे गाड्या आहेत, बंगले आहेत, त्यांच्यासाठी ही योजना नाही असे विधान करत अशा महिलांनी या योजनेतून माघार घ्यावी असे आवाहन केले आहे.
ही योजना गरिबांसाठी आहे, श्रीमंतासाठी नाही असे सुद्धा भुजबळ म्हणाले आहेत. अशा परिस्थितीत आज आपण या योजनेचा कोणत्या महिलांना लाभ मिळणार नाही याचा आढावा या ठिकाणी घेणार आहोत.
या महिलांना लाडकी बहीण योजनेचा लाभ मिळणार नाही
21 वर्षांपेक्षा कमी आणि 65 वर्षांपेक्षा अधिक वय असणाऱ्या महिलांना या योजनेचा लाभ मिळत नाही.
महाराष्ट्र राज्याबाहेरील महिलांना याचा लाभ मिळत नाही.
अडीच लाख रुपयांपेक्षा जास्त उत्पन्न असणाऱ्या महिलांना तसेच ज्यांच्या कुटुंबातील सदस्य आयकर भरतात अशा महिलांना या योजनेचा लाभ मिळत नाही.
ज्यांचे कुटुंबातील सदस्य नियमित / कायम कर्मचारी म्हणून सरकारी विभाग / उपक्रम /मंडळ / भारत सरकार किंवा राज्य सरकारच्या स्थानिक संस्थेमध्ये कार्यरत आहेत किंवा सेवानिवृत्तीनंतर निवृत्तीवेतन घेत आहेत अशा महिलांना या योजनेचा लाभ मिळणार नाही असे नियम आहेत.
संजय गांधी निराधार योजनेसारख्या योजनांचा लाभ घेणाऱ्या महिलांना लाडकी बहीण योजनेचा लाभ मिळत नाही.
आजी-माजी खासदार आमदार असणाऱ्या कुटुंबातील महिलांना सुद्धा या योजनेचा लाभ मिळू शकत नाही.
कुटुंबातील सदस्य जर भारत सरकार किंवा राज्य सरकारच्या बोर्ड /कॉर्पोरेशन / उपक्रमाचे अध्यक्ष/उपाध्यक्ष/संचालक/सदस्य असतील तर अशा महिलांना या योजनेचा लाभ मिळू शकणार नाही.
ट्रॅक्टर वगळता इतर चारचाकी वाहन असणाऱ्या कुटुंबातील महिलांना सुद्धा याचा लाभ मिळू शकत नाही.
