अहमदनगर Live24 टीम, 11 फेब्रुवारी 2022 :- मुंबईस्थित फार्मा कंपनी ग्लेनमार्कने कोरोना रुग्णांच्या उपचारासाठी नेजल स्प्रे लॉन्च केला आहे. हे कॅनेडियन फार्मास्युटिकल कंपनी SaNOtize च्या सहकार्याने बनवले गेले आहे. कंपनीने नायट्रिक ऑक्साईड असलेले हे औषध FabiSpray नावाने भारतात लाँच केले आहे. हा भारतातील पहिला कोविड नेजल स्प्रे आहे.(FabiSpray)
स्प्रे नाकातच विषाणू नष्ट करेल
कंपनीचा दावा आहे की जेव्हा हे स्प्रे नाकातील श्लेष्मावर फवारले जाते तेव्हा ते विषाणूविरूद्ध शारीरिक आणि रासायनिकदृष्ट्या अडथळा निर्माण करते, ज्यामुळे संक्रमण फुफ्फुसांपर्यंत पोहोचत नाही.
कंपनीच्या मते, FabiSpray च्या वापरामुळे 24 तासांत व्हायरल लोडमध्ये 94% घट झाली, तर 48 तासांत 99% घट झाली.
कोणत्या रुग्णांना हा स्प्रे मिळेल?
ग्लेनमार्क कंपनीतील क्लिनिकल डेव्हलपमेंटच्या प्रमुख आणि वरिष्ठ उपाध्यक्ष डॉ. मोनिका टंडन यांनी सांगितले की, डॉक्टरांच्या प्रिस्क्रिप्शनवरच ही स्प्रे दिली जाईल. म्हणजेच प्रत्येकजण ते विकत घेऊ शकणार नाही.
त्यांनी सांगितले की हा स्प्रे फक्त प्रौढ कोरोना रुग्णांसाठी आहे. हे केवळ डॉक्टरांच्या सल्ल्यावरच खरेदी केले जाऊ शकते.
त्याची किंमत किती असेल?
डॉ. मोनिका टंडन यांच्या मते, भारतात फॅबीस्प्रेच्या 25 मिली युनिटची किंमत 850 रुपये असेल. इतर देशांच्या तुलनेत भारतात त्याची किंमत खूपच कमी असल्याचा त्यांचा दावा आहे.
डॉ. टंडन यांनी सांगितले की, या आठवड्यापासून फार्मसीच्या दुकानात या स्प्रेची विक्री सुरू होईल.
हा स्प्रे किती प्रभावी आहे?
कंपनीच्या म्हणण्यानुसार, भारतात ह्याच्या फेज 3 चाचण्या झाल्या आहेत. जी 306 रुग्णांवर करण्यात आली. चाचणी दरम्यान, हे उघड झाले की फवारणीनंतर 24 तासांनंतर विषाणूचा भार 94% कमी झाला आणि 48 तासात 99% कमी झाला.
हा स्प्रे कोरोनाविरूद्ध पूर्णपणे सुरक्षित आणि प्रभावी असल्याचा दावा कंपनीने केला आहे. चाचणी दरम्यान कोणतेही दुष्परिणाम समोर आले नाहीत, असेही कंपनीचे म्हणणे आहे. एकाही रुग्णाचा मृत्यू झाला नाही.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
