Maharashtra News : आयटी क्षेत्रात करिअर घडवायचंय मग तुमच्यासाठी एक आनंदाची बातमी समोर आली आहे. खरे तर आयटी क्षेत्राचा विषय निघाला की नोकरीसाठी कुठे जायचं तर सगळ्यात आधी नाव येतं ते बेंगलोरचं आणि त्यानंतर पुण्याचं.
पण आता तुम्हाला आयटीमध्ये करिअर घडवायचं असेल तर बेंगलोरला जाण्याची गरज राहणार नाही असं जर आम्ही सांगितलं तर तुमचा कदाचित विश्वास बसणार नाही पण ही गोष्ट आता लवकरच खरी ठरणार आहे कारण की, महाराष्ट्रातील आणखी एका बड्या शहरात आयटी पार्क विकसित केलं जाणार आहे.
खरे तर महाराष्ट्रातील दोन बड्या शहरात आयटी पार्कची निर्मिती होणार आहे, पहिलं म्हणजे सोलापूर आणि दुसरं म्हणजे सातारा. मात्र साताऱ्याचा प्लॅन अजून गुलदस्त्यात आहे. पण सोलापूरचा प्लॅन जमिनीवर अस्तित्वात येताना दिसतोय आणि ही पश्चिम महाराष्ट्रासाठी किंबहुना सबंध महाराष्ट्रासाठी मोठी आशादायी गोष्ट बनली आहे.
बेंगलोर हे भारतातील सर्वात मोठे आयटी पार्क त्यानंतर नंबर लागतो तो पुण्याचा आणि आता सोलापूर मध्ये जे आयटी पार्क तयार होणार आहे ते आयटी केंद्र देशातील तिसऱ्या क्रमांकाचं आणि आपल्या महाराष्ट्रातील दुसऱ्या क्रमांकाच सर्वात मोठ आयटी पार्क म्हणून ओळखलं जाणार आहे.
सोलापूरमध्ये उभारल्या जाणाऱ्या या प्रकल्पासाठी जागा निश्चित करण्यात आली आहे तसेच याची टाईमलाईन आणि डेडलाईन सुद्धा फिक्स झाली आहे. म्हणजेच येत्या काळात महाराष्ट्रात लाखो रोजगारांची निर्मिती होणार आहे आणि महाराष्ट्रातील असंख्य हातांना काम मिळणार आहे.
या प्रकल्पात राज्याचे मुख्यमंत्री देवेंद्र फडणवीस हे स्वतः लक्ष घालत आहेत. त्यामुळे प्रकल्पाला गती मिळाली आहे आणि लवकरच हा प्रकल्प प्रत्यक्षात सत्यात उतरणार आणि लाखो लोकांचे स्वप्न पूर्ण होणार अशा चर्चा सुरू आहेत.
सोलापूरमध्ये कुठे तयार होणार आयटी पार्क?
खरंतर सोलापुरात आयटी पार्क व्हावे यासाठी स्वतः सीएम फडणवीस मैदानात उतरले आहेत आणि यासाठी त्यांनी तीन महिन्यांपूर्वी सोलापूर जिल्हाधिकारी कुमार आशीर्वाद यांना जागेबाबत महत्त्वाचे आदेश दिले होते.
IT पार्कसाठी योग्य जागा निश्चित करा असे आदेश स्वतः CM फडणवीस यांनी दिले होते. त्यानुसार झालेल्या सर्वेक्षण आणि प्रशासनिक प्रक्रियेनंतर जलसंपदा विभागाच्या मालकीची सुमारे 50 एकर जमीन या प्रकल्पासाठी सर्वाधिक योग्य ठरली.
आता ही जमीन औपचारिकरित्या MIDC कडे हस्तांतरित करण्यात आली असून प्रकल्पाची मार्गक्रमणा वेगाने होण्याची शक्यता आहे. IT पार्कसाठी आवश्यक पायाभूत सुविधांमध्ये रस्ते, पाणीपुरवठा, पथदिवे, तसेच इतर मूलभूत सोयींचा समावेश आहे. या सर्वांसाठी राज्य सरकारकडे अंदाजे 38 कोटी रुपयांचा प्रस्ताव पाठवण्यात आला आहे.
होटगी रोड परिसरातील या ठिकाणी 50 मीटरपर्यंत उंच इमारती बांधण्यास विमानतळ प्रशासनाने हिरवा कंदील दिल्याने, उड्डाण मार्गात अडथळा येणार नाही, असे स्पष्ट झाले आहे. सुमारे दीड वर्षांत IT पार्कचे बांधकाम पूर्ण करण्याचे लक्ष्य ठेवण्यात आले आहे.
प्रकल्प पूर्ण झाल्यानंतर येथे 45 हजारांपेक्षा जास्त आयटी व्यावसायिकांना रोजगार उपलब्ध होणार आहे. त्यामुळे सोलापुराच्या आर्थिक विकासाला मोठी चालना मिळेल, तसेच शहर आयटी नकाशावर ठळकपणे उदयास येईल, असा विश्वास व्यक्त केला जात आहे.
