Maharashtra Railway News : राज्यातील रेल्वे प्रवाशांसाठी एक महत्त्वाची बातमी समोर येत आहे. खरंतर, सध्या उन्हाळी सुट्ट्या सुरू आहेत आणि यामुळे राज्यातील विविध रेल्वे मार्गांवर प्रवाशांची मोठी गर्दी होत असून याच अतिरिक्त गर्दीच्या पार्श्वभूमीवर रेल्वे कडून नुकताच एक मोठा निर्णय घेण्यात आला आहे.
मिळालेल्या माहितीनुसार, रेल्वे प्रशासनाने एक नवीन एक्सप्रेस ट्रेन सुरू करण्याचा निर्णय घेतला आहे. ही गाडी एमजीआर चेन्नई सेंट्रल ते राजस्थान येथील जोधपुर मधील भगत की कोठी रेल्वे स्थानकादरम्यान चालवली जाणार आहे.
महत्त्वाचे म्हणजे ही गाडी महाराष्ट्रातील अनेक महत्त्वाच्या रेल्वे स्थानकावर थांबा घेणार आहे. विदर्भातील आणि उत्तर महाराष्ट्रातील काही महत्त्वाच्या रेल्वे स्थानकावर या गाडीला थांबा मंजूर करण्यात आला असल्याची माहिती देण्यात आली आहे.
अशा परिस्थितीत आज आपण या नव्या एक्सप्रेस ट्रेन चे संपूर्ण वेळापत्रक तसेच ही गाडी कोणकोणत्या रेल्वे थांबा घेणार या संदर्भातील सविस्तर आढावा जाणून घेण्याचा प्रयत्न करणार आहोत.
कस राहणार नव्या एक्सप्रेस ट्रेन चे वेळापत्रक?
रेल्वे अधिकाऱ्यांकडून मिळालेल्या माहितीनुसार, एमजीआर चेन्नई सेंट्रल ते भगत की कोठी, जोधपूर (राजस्थान) एक्सप्रेस ट्रेन (गाडी क्रमांक 20625) ही गाडी दोन दिवस संपूर्ण आठवडाभर धावणार आहे.
मिळालेल्या माहितीनुसार ही ट्रेन चेन्नई सेंट्रल येथून दर सोमवार, मंगळवार, गुरुवार, शुक्रवार आणि रविवारी सोडली जाणार आहे. या दिवशी ही गाडी चेन्नई सेंट्रल येथून संध्याकाळी 7:45 वाजता रवाना होईल आणि तिसऱ्या दिवशी दुपारी सव्वा बारा वाजता जोधपूरला पोहोचणार आहे.
तसेच भगत की कोठी, जोधपुर ते चेन्नई सेंट्रल ट्रेन (गाडी क्रमांक 20626) भगत की कोठी (जोधपूर) येथून मंगळवार आणि शनिवार वगळता भगत की कोठी इथून सोडली जाणार आहे.
रविवार, सोमवार, बुधवार, गुरुवार आणि शुक्रवारी सकाळी 5:30 वाजता ही ट्रेन भगत की कोठीहून रवाना होणार आहे आणि दुसऱ्या दिवशी रात्री सव्वा अकरा वाजता ही गाडी चेन्नई सेंट्रल ला पोहोचणार आहे.
राज्यातील कोण कोणत्या रेल्वे स्थानकावर थांबणार?
जोधपूर ते चेन्नई सेंट्रल दरम्यान चालवली जाणारी ही गाडी या मार्गावरील अनेक महत्त्वाच्या स्थानकावर थांबा घेणार आहे. ही गाडी राज्यातील विदर्भ आणि उत्तर महाराष्ट्रातील तब्बल दहा महत्त्वाच्या स्थानकावर थांबा घेणार असल्याची माहिती अधिकाऱ्यांकडून समोर आली आहे.
बल्हारशाह, चंद्रपूर, वर्धा, धामणगाव, बडनेरा, अकोला, मलकापूर, भुसावळ, जळगाव, नंदुरबार या राज्यातील महत्त्वाच्या स्थानकावर ही गाडी थांबा घेईल असे संबंधितांकडून स्पष्ट करण्यात आले आहे. यामुळे या रेल्वे स्थानकावरून प्रवास करणाऱ्या प्रवाशांना मोठा दिलासा मिळणार आहे.
