Maharashtra Railway News : पश्चिम रेल्वे प्रशासनाने गुजरात अन महाराष्ट्रातील प्रवाशांसाठी एक महत्त्वाचा निर्णय घेतला आहे. गुजरात आणि महाराष्ट्रातील प्रवाशांचा दक्षिणेकडील प्रवास सुरक्षित आणि वेगवान व्हावं या अनुषंगाने पश्चिम रेल्वे कडून एक साप्ताहिक विशेष गाडी चालवण्याची घोषणा करण्यात आली आहे.
पश्चिम रेल्वे मार्गावर होणारी प्रवाशांची अतिरिक्त गर्दी पाहता प्रशासनाच्या माध्यमातून राजकोट ते महबूबनगर यादरम्यान साप्ताहिक विशेष गाडी चालवण्याची घोषणा करण्यात आली असून ही गाडी महाराष्ट्रातील जवळपास आठ ते नऊ महत्त्वाच्या स्टेशनवर थांबा घेणार असल्याची माहिती प्रशासनाने दिली आहे.
अशा परिस्थितीत आज आपण या विशेष एक्सप्रेस ट्रेनचे संपूर्ण वेळापत्रक तसेच ही गाडी कोणकोणत्या स्थानकावर थांबा घेणार या संदर्भातील संपूर्ण माहिती आजच्या लेखातून जाणून घेण्याचा प्रयत्न करणार आहोत.
राजकोट महबूबनगर साप्ताहिक स्पेशल ट्रेन चे वेळापत्रक कसे आहे?
नोव्हेंबर महिन्यात संभाव्य प्रवाशांची अतिरिक्त गर्दी लक्षात घेऊन पश्चिम रेल्वे प्रशासन आणि राजकोट – महबूबनगर दरम्यान साप्ताहिक स्पेशल गाडी चालवण्याची योजना जाहीर केली आहे.
यातील राजकोट – महबूबनगर साप्ताहिक स्पेशल गाडी 3 नोव्हेंबर ते 24 नोव्हेंबर यादरम्यान चालवली जाणार आहे. या काळात ही गाडी दर सोमवारी दुपारी 1:45 वाजता राजकोट येथून सोडली जाणार आहे आणि दुसऱ्या दिवशी रात्री आठ वाजेच्या सुमारास महबूबनगरला पोहोचणार आहे.
परतीच्या प्रवासात महबूबनगर – राजकोट साप्ताहिक स्पेशल गाडी 4 नोव्हेंबर ते 25 नोव्हेंबर दरम्यान दर मंगळवारी रात्री अकरा वाजता महबूबनगर येथून सोडली जाणार आहे आणि गुरुवारी सकाळी पाच वाजता स्पेशल ट्रेन राजकोट येथे येणार आहे. आता आपण ही गाडी या मार्गावरील कोणकोणत्या स्थानकावर थांबा घेणार याची माहिती जाणून घेऊयात.
महाराष्ट्रातील 9 स्थानकावर थांबणार स्पेशल गाडी
पश्चिम रेल्वे अधिकाऱ्यांकडून मिळालेल्या माहितीनुसार साप्ताहिक स्पेशल गाडी या मार्गावरील अनेक महत्त्वाच्या स्टेशनवर थांबा घेईल. ही गाडी राज्यातील नऊ – दहा महत्त्वाच्या स्टेशनवर थांबणार आहे.
वांकानेर, सुरेंद्रनगर, अहमदाबाद, नडियाद, आणंद, वडोदरा, उधना, नंदुरबार, जळगाव, भुसावळ, अकोला, वाशीम, हिंगोली, वसमत, पुर्णा, हजूर साहिब नांदेड, धर्माबाद, बसर, निजामाबाद, कामरेड्डी, मेडचाळ, काचेगुडा, उमदानगर,
शादनगर अशा महत्त्वाच्या स्टेशनवर या साप्ताहिक स्पेशल गाडीला पश्चिम रेल्वे प्रशासनाकडून थांबा मंजूर करण्यात आला आहे. तरीही प्रवासाला जाण्याआधी एकदा प्रवाशांनी या गाडीचे संपूर्ण तपशील रेल्वे विभागाकडून चेक करून घेणे त्यांच्यासाठी फायद्याचे ठरणार आहे.
