Mahindra BE6 And XEV 9e : भारतीय कार मार्केटमध्ये आता इलेक्ट्रिक वाहनांना मोठ्या प्रमाणात मागणी आली आहे. यामुळे दिग्गज ऑटो कंपन्यांकडून आता नवनवीन इलेक्ट्रिक वाहनांची निर्मिती केली जात आहे. भारतीय कार मार्केटमधील इलेक्ट्रिक सेगमेंटचा विचार केला असता सध्या टाटा कंपनीचा मोठ्या प्रमाणात बोलबाला पाहायला मिळतो. पण आता इलेक्ट्रिक सेगमेंट मध्ये इतर कंपन्या देखील जोरदार एन्ट्री घेत आहेत.
महिंद्रा अँड महिंद्रा कंपनीने देखील आपला इलेक्ट्रिक कारच्या पोर्टफोलिओचा विस्तार सुद्धा केला आहे. महिंद्राने नुकत्याच काही दिवसांपूर्वी दोन इलेक्ट्रिक SUV लाँच केल्यात. कंपनीने BE 6 आणि XEV 9e या दोन इलेक्ट्रिक SUV लाँच केल्या आहेत.
यामुळे महिंद्रा कंपनीचा इलेक्ट्रिक सेगमेंटचा पोर्टफोलिओ आणखी स्ट्रॉंग होणार आहे. महत्त्वाचे म्हणजे जेव्हापासून या गाड्या लॉन्च झाल्या आहेत तेव्हापासूनच याबाबत मोठ्या प्रमाणात चर्चा सुरू आहे. या दोन्ही SUV लाँच झाल्यानंतर आता ग्राहकांना आकर्षित करू लागल्या आहेत.
खरं तर, किंमत जाहीर केल्यापासून दोन महिन्यांत, कंपनीने या दोन नवीन इलेक्ट्रिक SUV चे 1837 युनिट्स विकण्यात यश मिळवले आहे. कंपनीने या दोन्ही गाड्यांचे 2281 युनिट्सचे उत्पादन केले आहे. दरम्यान आता येत्या काही महिन्यांत त्याचे उत्पादन वाढण्याची सुद्धा शक्यता वर्तवण्यात आली आहे. मित्रांनो महिंद्राने टॉप-डाउन पध्दतीने कारच्या किमती जाहीर केल्या आहेत.
लोअर-स्पेक व्हेरियंटच्या किमती उघड करण्यापूर्वी कंपनीने टॉप-स्पेक मॉडेल्सच्या किमती जाहीर केल्या. आता या गाड्यांचे बुकिंग 14 फेब्रुवारीपासून अधिकृतपणे सुरू होणार आहे. त्याच वेळी, डिलिव्हरी मार्चमध्ये सुरू होणार आहे अन त्यांच्या प्रकारानुसार, ऑगस्टपर्यंत वितरण केले जाणार आहे. BE 6 ची किंमत 18.90 लाख रुपये आणि XEV 9e ची किंमत 21.90 लाख रुपयांपासून सुरू होते.
BE 6 चे फिचर्स
BE6 च्या डिझाईनबद्दल बोलायचे झाल्यास, यात ‘BE’ लोगो, अँगुलर एलईडी डेटाइम रनिंग लॅम्प्स (डीआरएल), एलईडी प्रोजेक्टर हेडलॅम्प्स, एलईडी कनेक्टेड टेललाइट्स, स्टीपली-रेक्ड रूफलाइन इंटिग्रेटेड रीअर स्पॉयलर, फ्लोटिंग फ्रंट स्पॉयलर, हाय बेल्टलाइन, पियानो ब्लॅक व्हील आर्क क्लॅडिंग आणि ऐरो इंसर्ट्स सोबत 20 इंच अलोय व्हील्स आहेत.
BE 6 मध्ये ड्युअल इंटिग्रेटेड स्क्रीन, ड्युअल-स्पोक स्टीयरिंग व्हील आणि मोठा ग्लास रुफ सामील आहे. हायलाइट्समध्ये एअरक्राफ्ट फायटरसारखे ड्राइव्ह शिफ्टर आणि सेंटर कन्सोलच्या वर एक सेंट्रल स्पार समाविष्ट आहे. यात वायरलेस चार्जिंग आणि ॲडव्हान्स ड्रायव्हर असिस्टन्स सिस्टम (ADAS) सारखी वैशिष्ट्ये सुद्धा देण्यात आली आहेत.
BE 6 मध्ये अनेक प्रगत वैशिष्ट्ये आहेत, ज्यात ऑटो पार्किंग, मल्टी-झोन क्लायमेट कंट्रोल, ऑगमेंटेड रिॲलिटी हेड-अप डिस्प्ले (HUD), 16-स्पीकर प्रीमियम ऑडिओ सिस्टम, व्हेंटिलेटेड आणि पॉवर फ्रंट सीट्स, वाहन-टू-लोड (V2L) टेक, मल्टिपल ड्राईव्हट्रेन्स इ. फीचर्सचा समावेश होतो.
यात सुरक्षेसाठी 7 एअरबॅग्ज, सर्व प्रवाशांसाठी 3-पॉइंट सीट बेल्ट, 360-डिग्री कॅमेरा आणि लेव्हल-2 ADAS ने सुसज्ज आहे. यात 2 बॅटरी पॅक पर्याय देण्यात आले आहे. यात 59kWh आणि 79kWh असे दोन बॅटरी पॅक देण्यात आले आहे. ही गाडी प्रति चार्ज 682km ची ड्रायव्हिंग रेंज ऑफर करते. हे 175kW DC फास्ट चार्जिंगला सपोर्ट करते. त्याची एक्स-शोरूम किंमत 18.90 लाख रुपये आहे.
Mahindra XEV 9e चे फिचर्स कसे आहेत
Mahindra XEV 9e च्या डायमेन्शनबाबत बोलायचे झाले तर त्याची लांबी 4789 मिमी, रुंदी 1907 मिमी, उंची 1694 मिमी आणि व्हीलबेस 2775 मिमी आहे. त्याचा ग्राउंड क्लीयरन्स 207 मिमी आहे. त्याचा नळीचा व्यास 10 मी. त्याच्या टायर्सचा आकार 245/55 R19 (245/50 R20) आहे.
यात 663 लीटरची बूट स्पेस आणि 150 लीटरची ट्रंक स्पेस आहे. यात 59kWh चा बॅटरी पॅक आहे. यात 231hp/380Nm मोटर आहे. हे RWD ड्राइव्हसह येते. त्याची MIDC रेंज 542km आहे. हे 140kW फास्ट चार्जरने 20 मिनिटांत चार्ज होते. त्याच वेळी, ते 7.2kW चार्जसह 8.7 तासांमध्ये आणि 11kW चार्जसह 6 तासांमध्ये चार्ज होते. त्याची एक्स-शोरूम किंमत 21.90 लाख रुपये आहे.
XEV 9e 79kWh बॅटरी पॅक असणाऱ्या मॉडेलमध्ये 286hp/380Nm मोटर आहे. हे RWD ड्राइव्हसह येते. त्याची MIDC रेंज 656km आहे. हे 170kW फास्ट चार्जरने 20 मिनिटांत चार्ज होते. त्याच वेळी, ते 7.2kW चार्जसह 11.7 तासांमध्ये आणि 11kW चार्जसह 8 तासांमध्ये चार्ज होते. ते 6.8 सेकंदात 0-100kph चा वेग गाठते.
