Most Expensive Fruits: साधारणतः आपण फळांची निवड करताना त्यांची चव, पोषणमूल्ये किंवा उपलब्धता पाहतो. मात्र जगात काही अशी फळे आहेत जी त्यांच्या चव किंवा गुणधर्मांपेक्षा त्यांच्या प्रचंड किमतीसाठी ओळखली जातात. काही फळांची किंमत इतकी आहे की ती सामान्य लोकांच्या आवाक्याबाहेर जाते. या फळांचे उत्पादन कमी प्रमाणात, विशेष पद्धतीने व अत्यंत काळजीपूर्वक केले जाते, म्हणूनच त्यांची किंमत प्रचंड जास्त असते.
युबारी किंग खरबूज (जपान)
या खरबूजाची किंमत जवळपास $25,000 म्हणजे सुमारे 22,00,000 रुपये इतकी आहे. हे फळ जपानमधील होक्काइडो भागात अत्यंत देखरेखीखाली पिकवले जाते. त्याचा रसाळपणा, गोडवा आणि सौंदर्य यामुळे श्रीमंत लोक हे भेटवस्तू म्हणूनही देतात.
रुबी रोमन द्राक्ष (जपान)
जपानमधील हे द्राक्ष आकाराने मोठे, गडद लाल आणि अत्यंत गोड असते. याची किंमत $8,400 पर्यंत जाते आणि हे सामान्य बाजारात विकले जात नाही, तर लिलावातच विकले जाते.
डेन्सुके टरबूज (जपान)
हा काळ्या सालीचा टरबूज फक्त होक्काइडोमध्येच पिकतो. त्याची किंमत सुमारे $6,000 असून चव आणि सुगंध सामान्य टरबूजांपेक्षा अधिक वेगळी आहे.
बिजेम डुरियन (थायलंड)
डुरियनला ‘स्मेल फ्रूट’ म्हटले जाते, पण ‘बिजेम’ नावाचा प्रकार खूपच दुर्मिळ असून याची किंमत $2,500 पर्यंत जाते. हे फळ बटरसारखे मऊ व सुगंधी आहे.
हेलिगन गार्डन अननस (इंग्लंड)
इंग्लंडमधील एका ऐतिहासिक बागेत पिकवला जाणारा हा अननस $1,500 ला विकला जातो. विशेष शेतीतंत्र वापरून पिकवल्यामुळे त्याचा स्वाद आणि सुगंध दोन्ही अप्रतिम असतात.
हमी खरबूज (चीन)
चीनच्या शिनजियांग भागात पिकणारा हा खरबूज $200 ते $300 या दरम्यान विकला जातो. हे फळ गोड असते आणि भेटवस्तू म्हणून देखील ते दिले जाते.
ताइयो नो तामागो आंबा (जपान)
‘सूर्याचे अंडे’ म्हणून ओळखल्या जाणाऱ्या या आंब्याची किंमत $100 ते $200 असते. हा लालसर केशरी रंगाचा आंबा अंड्यासारख्या आकाराचा असून खूप रसाळ आणि गोड असतो.
सायट्रस डेकोपन संत्रा (जपान)
हे संत्रं बियांशिवाय असून त्याची किंमत $80 ते $100 दरम्यान असते. त्याचा गोडवा आणि सुगंध सामान्य संत्र्यांपेक्षा जास्त आहे.
सेकाई इची सफरचंद (जपान)
‘सेकाई इची’ म्हणजे ‘जगातील सर्वोत्तम’ असा याचा अर्थ होतो. यातील प्रत्येक सफरचंद हाताने पॉलिश केले जाते. त्याची किंमत एका सफरचंदासाठी सुमारे $21 असते.
फुइयु पर्सिमॉन (जपान)
जपानमध्ये लोकप्रिय असलेल्या या फळाची किंमत $10 ते $20 आहे. ते गोड आणि सुगंधी असून विशेष काळजी घेऊन वाढवले जाते. ही सर्व फळे त्यांच्या दुर्मिळतेमुळे आणि वाढवण्याच्या खास पद्धतीमुळे सामान्य बाजारपेठेत मिळत नाहीत.
