Mumbai-Nanded Railway : दरवर्षी उन्हाळी सुट्ट्यांमध्ये रेल्वेने प्रवास करणाऱ्यांची संख्या वाढत असते. यंदाही उन्हाळी सुट्ट्यांमध्ये रेल्वेने प्रवास करणाऱ्यांची संख्या वाढणार असून याच अनुषंगाने रेल्वेच्या माध्यमातून मुंबई ते नांदेड दरम्यान विशेष गाडी चालवण्याची मोठी घोषणा करण्यात आली आहे.
ही गाडी ठाणे कल्याण लोणावळा पुणे मार्गे चालवली जाणार असून या गाडीला महाराष्ट्रातील तब्बल 12 रेल्वे स्थानकावर थांबा मंजूर करण्यात आलेला आहे.
ही गाडी मुंबई मधील लोकमान्य टिळक टर्मिनस ते हुजूर साहेब नांदेड या स्थानकादरम्यान चालवली जाणार आहे. म्हणून आज आपण या स्पेशल गाडीचे संपूर्ण वेळापत्रक आणि ही गाडी कोणकोणत्या स्थानकावर थांबा घेणार याची माहिती जाणून घेण्याचा प्रयत्न करणार आहोत.
कसं राहणार मुंबई-नांदेड स्पेशल ट्रेन चे संपूर्ण वेळापत्रक?
रेल्वे कडून मिळालेल्या माहितीनुसार लोकमान्य टिळक टर्मिनस-नांदेड विशेष एक्सप्रेस ट्रेन ( ट्रेन क्रमांक 01105) ही साप्ताहिक विशेष गाडी 9 एप्रिल 2025 ते 25 जून 2025 या कालावधीत चालवली जाणार आहे.
या कालावधीत ही गाडी दर बुधवारी मुंबई येथील लोकमान्य टिळक टर्मिनस येथून 00.55 वाजता सोडली जाणार आहे आणि त्याच दिवशी ही गाडी 19:00 वाजता नांदेडला पोहोचणार आहे.
परतीच्या प्रवासाबाबत बोलायचं झालं तर ट्रेन क्रमांक 01106 ही साप्ताहिक विशेष ट्रेन दिनांक 9 एप्रिल 2025 ते 25 जून 2025 या काळात दर बुधवारी नांदेड येथून 20:00 वाजता सुटेल आणि लोकमान्य टिळक टर्मिनस येथे दुसऱ्या दिवशी 14:45 वाजता पोहोचणार आहे.
आता आपण या स्पेशल ट्रेनला कोणकोणत्या रेल्वे स्थानकावर थांबा मंजूर करण्यात आलाय याबाबत माहिती पाहुयात.
राज्यातील 12 रेल्वे स्थानकावर थांबणार
रेल्वे कडून प्राप्त झालेल्या माहितीनुसार मुंबई ते नांदेड दरम्यान सुरू केल्या जाणाऱ्या या विशेष एक्सप्रेस ट्रेनला या मार्गावरील तब्बल 12 महत्त्वाच्या रेल्वे स्थानकावर थांबा मंजूर करण्याचा मोठा निर्णय घेण्यात आला आहे.
ही गाडी लोणावळा पुण्यासारख्या अनेक महत्त्वाच्या रेल्वे स्थानकावर थांबा घेणार आहे. ठाणे, कल्याण, लोणावळा, पुणे, दौंड, कुर्डुवाडी, लातूर, लातूर रोड, परळी, गंगाखेड,
परभणी आणि पूर्णा या महत्वाच्या स्थानकावर या गाडीला थांबा मंजूर करण्यात आला असून यामुळे मुंबईमधील जनतेला जलद गतीने मराठवाड्याला पोहोचता येणे शक्य होणार आहे. उन्हाळी सुट्ट्यांमध्ये मराठवाड्यातून मुंबईला जाणाऱ्यांना देखील या गाडीचा मोठा फायदा होणार आहे.
