Onion Rate : राज्यातील कांदा उत्पादक शेतकऱ्यांसाठी एक महत्त्वाचे अपडेट समोर येत आहे. कांदा हे महाराष्ट्रात उत्पादित होणारे एक महत्त्वाचे नगदी पीक आहे. राज्यातील नाशिक, अहिल्यानगर, पुणे, सोलापूर, संभाजीनगर, जळगाव, धुळे या जिल्ह्यांमध्ये कांद्याची मोठ्या प्रमाणात लागवड होते.
मात्र कांद्याचे पीक कधीकधी शेतकऱ्यांसाठी आतबट्ट्याचे ठरते आणि शेतकऱ्यांना प्रचंड नुकसान सहन करावे लागते. जेव्हा शेतकऱ्यांना कांद्याचे चांगले उत्पादन मिळते तेव्हाच बाजारात कांद्याला चांगला दर मिळत नाही.
त्यामुळे शेतकरी नेहमीच परेशान असतात. कांदा उत्पादकांना कांद्याच्या पिकातून अपेक्षित कमाई होत नाही. दरम्यान गेल्या काही दिवसांपासून कांद्याच्या बाजारभावात सातत्याने चढ-उतार सुरू होती मात्र आज कांद्याला काही बाजारांमध्ये चांगला समाधानकारक भाव मिळाला आहे.
सध्या राज्यातील विविध बाजार समित्यांमध्ये लाल कांद्याची आवक होत असून आज नाशिक जिल्ह्यात पोळ कांद्याला सर्वाधिक भाव मिळाला आहे. नाशिकच्या एपीएमसी मध्ये आज कांद्याला तब्बल 4 हजार 200 रुपये प्रति क्विंटल पर्यंतचा कमाल भाव मिळाला आहे.
नाशिक कृषी उत्पन्न बाजार समिती : ह्या मार्केटमध्ये आज 29 नोव्हेंबर 2025 रोजी 900 क्विंटल पोळ कांद्याची आवक झाली. पोळ कांद्याला आज नाशिकच्या मार्केटमध्ये किमान 750, कमाल 4200 आणि सरासरी 2450 रुपये प्रति क्विंटल असा दर मिळाला.
चंद्रपूर कृषी उत्पन्न बाजार समिती : विदर्भातील या बाजारात सुद्धा आज कांद्याला चांगला भाव मिळाला आहे. या मार्केटमध्ये आज 29 नोव्हेंबर 2025 रोजी कांद्याला किमान 1300, कमाल 2500 आणि सरासरी दोन हजार रुपये प्रति क्विंटल असा भाव मिळाला.
सोलापूर कृषी उत्पन्न बाजार समिती : पश्चिम महाराष्ट्रातील सोलापूर कृषी उत्पन्न बाजार समितीमध्ये आज लाल कांद्याला किमान शंभर रुपये प्रति क्विंटल असा भाव मिळाला. तसेच येथे लाल कांद्याला कमाल पंचवीसशे रुपये आणि सरासरी 900 रुपये प्रति क्विंटल असा भाव मिळाला.
सातारा कृषी उत्पन्न बाजार समिती : या मार्केटमध्ये लाल कांद्याला किमान एक हजार रुपये, कमाल दोन हजार रुपये आणि सरासरी 1500 रुपये प्रति क्विंटल असा भाव मिळाला असल्याची नोंद राज्य पणन महामंडळाच्या अधिकृत संकेतस्थळावर करण्यात आली आहे.
