Personal Loan : आपल्याला अचानक पैशांची गरज भासली की आपण बँकेत जातो. अडचणीच्या काळात बँकेकडून आपल्याला सहज वैयक्तिक कर्ज मंजूर होते. मात्र वैयक्तिक कर्जाचे व्याजदर हे इतर कर्जांच्या तुलनेत अधिक असतात.
यामुळे वैयक्तिक कर्ज घेण्याआधी कोणती बँक स्वस्तात वैयक्तिक कर्ज देते याची तुलना करणे आवश्यक आहे. दरम्यान आज आपण एसबीआय, एचडीएफसी आणि कॅनरा बँक या तीन प्रमुख बँकांच्या वैयक्तिक कर्जाची तुलना करणार आहोत.
एसबीआय बँकेचे वैयक्तिक कर्जासाठीचे व्याजदर
स्टेट बँक ऑफ इंडिया सध्या आपल्या ग्राहकांना किमान 10.30% व्याजदरात वैयक्तिक कर्ज पुरवत आहे. जर समजा एसबीआय कडून एखाद्या ग्राहकाने 10.30% व्याजदरात 10 लाख रुपयांचे वैयक्तिक कर्ज 5 वर्षांसाठी घेतले तर त्या ग्राहकाला 21 हजार 395 रुपयांचा मासिक हप्ता भरावा लागणार आहे.
कॅनरा बँकेचे वैयक्तिक कर्जासाठीचे व्याजदर
कॅनरा बँक आपल्या ग्राहकांना किमान 10.70% व्याजदरात वैयक्तिक कर्ज पुरवत आहे. मात्र बँकेचा हा किमान व्याजदर असून याचा फायदा फक्त ज्या लोकांचा सिबिल 800 च्या आसपास आहे त्यांनाच मिळतो.
जर समजा एखाद्या ग्राहकाला कॅनरा बँकेकडून 10.70% व्याजदरात पाच वर्षांसाठी दहा लाख रुपयांचे कर्ज उपलब्ध झाले तर त्या ग्राहकाला 21 हजार 593 रुपयांचा मासिक हफ्ता भरावा लागणार आहे.
एचडीएफसी बँकेचे वैयक्तिक कर्जासाठीचे व्याजदर
एचडीएफसी ही देशातील सर्वात मोठी प्रायव्हेट बँक. आरबीआयने या बँकेला देशातील सर्वाधिक सुरक्षित बँकेच्या यादीत ठेवले आहे. ही बँक आपल्या ग्राहकांना किमान 10.90% व्याजदरात वैयक्तिक कर्ज पुरवत आहे.
मात्र बँकेचा हा किमान व्याजदर फक्त अशाच लोकांना लागू होतो ज्या लोकांचा सिबिल स्कोर हा 800 किंवा 800 च्या आसपास असतो. जर समजा एचडीएफसी कडून 10.90% व्याजदरात एखाद्या ग्राहकाला दहा लाख रुपयांचे वैयक्तिक कर्ज पाच वर्षे कालावधीसाठी मंजूर झाले तर त्या ग्राहकाला 21,693 रुपयांचा मासिक हप्ता भरावा लागणार आहे.
कोणत्या बँकेचे वैयक्तिक कर्ज ठरणार फायदेशीर
एचडीएफसी, एसबीआय आणि कॅनरा बँकेच्या वैयक्तिक कर्जाचे व्याजदर पाहिले असता एसबीआय बँकेचा पर्याय ग्राहकांसाठी फायद्याचा ठरतो. मात्र कोणत्या बँकेकडून किती प्रोसेसिंग फी आकारले जाते यावरच कोणत्या बँकेचे वैयक्तिक कर्ज परवडते हे निश्चित करता येणे शक्य आहे. यामुळे वैयक्तिक कर्ज घेण्याआधी त्या बँकेचे व्याजदर तसेच प्रोसेसिंग फी ची माहिती घेणे आवश्यक आहे.
