Personality Test:- आपण झोपण्याच्या सवयींवर कधी विचार केला आहे का? झोपण्याची पद्धत केवळ शरीराला आराम देण्यासाठी नसते.तर ती आपल्या मानसिकतेशीही जोडलेली असते. प्रत्येकाची झोपण्याची एक विशिष्ट पद्धत असते आणि ती त्यांच्या स्वभावाची, विचारसरणीची आणि जीवनशैलीची झलक दाखवते. यापैकी पोटावर झोपणाऱ्या लोकांचे व्यक्तिमत्त्व काहीसे वेगळे आणि खास असते.
पोटावर झोपणाऱ्या लोकांचे व्यक्तिमत्त्व
निर्णयांवर ठाम राहतात
जे लोक झोपताना पोटावर झोपतात, ते सहसा धाडसी, आत्मनिर्भर आणि ठाम विचारांचे असतात. त्यांना आपले जीवन स्वतःच्या नियंत्रणात ठेवायला आवडते. हे लोक आपल्या निर्णयांवर ठाम राहतात आणि कोणत्याही अडथळ्यांना सामोरे जाण्याची ताकद ठेवतात. त्यांचा आत्मविश्वास चांगला असतो आणि ते आपल्या क्षमतांवर विश्वास ठेवतात.
हे लोक अत्यंत जबाबदारीने वागतात. त्यांना आपल्या कामात काटेकोरपणा आवडतो आणि ते कोणतेही कार्य पूर्णत्वास नेण्यास कटिबद्ध असतात. व्यावसायिक किंवा वैयक्तिक जीवनात त्यांचा हा गुण त्यांना यश मिळवून देतो.
स्वतःबद्दल फारसे बोलणे टाळतात
भावनांच्या बाबतीत हे लोक थोडे गुप्तस्वभावी असू शकतात. ते सहजपणे कोणालाही आपल्या भावना सांगत नाहीत आणि स्वतःबद्दल फारसे बोलणे टाळतात. त्यामुळे काही वेळा लोकांना ते थोडेसे गूढ वाटू शकतात.
एकदा कोणी त्यांच्यावर विश्वास ठेवला की, ते त्याच्यासोबत दीर्घकाळ नाते टिकवतात.जवळच्या लोकांशी संबंध ठेवणे आवडते- हे लोक कमी लोकांमध्ये अधिक आत्मविश्वासाने वावरतात.
त्यांना मोठ्या समूहात वावरण्यापेक्षा काही निवडक आणि जवळच्या लोकांशी चांगले संबंध ठेवणे अधिक आवडते. नेतृत्वगुण असल्याने ते अनेकदा स्वतःच्या प्रयत्नांवर विश्वास ठेवतात आणि कोणावर फार अवलंबून राहण्याची त्यांची वृत्ती नसते.
शारीरिक आरोग्यावर परिणाम
पोटावर झोपण्याची पद्धत काही बाबतीत फायदेशीर असली तरी त्यामुळे मानेवर आणि पाठीवर अतिरिक्त ताण येऊ शकतो. सतत अशी झोप घेतल्यास मणक्यांच्या समस्यांचा सामना करावा लागू शकतो. त्यामुळे योग्य उशी वापरणे आणि अधूनमधून झोपण्याची पद्धत बदलणे आवश्यक ठरते.
याशिवाय, पचनासाठी ही झोपण्याची पद्धत काही प्रमाणात मदत करू शकते, कारण यामुळे पोटातील वायू बाहेर पडण्यास मदत मिळते. मात्र, दीर्घकाळ अशी झोप घेतल्याने काही वेळा अॅसिडिटी किंवा अपचनाचा त्रास होऊ शकतो.
