Pm Kisan Yojana : शेतकऱ्यांसाठी एक आनंदाची बातमी समोर येत आहे. ही बातमी पीएम किसानच्या लाभार्थ्यांसाठी अधिक खास करणार आहे. पीएम किसान च्या लाभार्थ्यांना ऑगस्ट महिन्यात विसावा हप्ता मिळाला होता. दोन ऑगस्ट रोजी पंतप्रधान नरेंद्र मोदी यांच्या हस्ते हा हप्ता पात्र शेतकऱ्यांच्या खात्यात जमा झाला आणि आता शेतकरी बांधव पुढील हप्त्याची आतुरतेने वाट पाहत आहोत.
महत्वाची बाब म्हणजे काही राज्यांमधील शेतकऱ्यांना ऑलरेडी 21 वा हप्ता मिळाला आहे. पंजाब, उत्तराखंड, हिमाचल प्रदेश आणि जम्मू-काश्मीर या चार राज्यांमधील शेतकऱ्यांना ऑलरेडी 21 वा हफ्ता देण्यात आला आहे.
यासंबंधीत राज्यांमध्ये तयार झालेल्या पूरस्थितीमुळे त्यांना 21 वा हप्ता इतर राज्यांच्या तुलनेत लवकर मिळाला आहे. दरम्यान या योजनेच्या सर्वच शेतकऱ्यांना दिवाळीच्या काळात 21 वा हप्ता दिला जाणार असा दावा मध्यंतरी मीडिया रिपोर्ट मध्ये करण्यात आला होता.
परंतु दिवाळीमध्ये शेतकऱ्यांना हा हप्ता मिळाला नाही. पण आता लवकरच शेतकऱ्यांना या योजनेचा पुढील हप्ता मिळू शकतो. पीएम किसान बाबत बोलायचं झालं तर या अंतर्गत वार्षिक सहा हजार रुपये मिळतात.
दोन हजार रुपयाचा एक हफ्ता या पद्धतीने हे पैसे शेतकऱ्यांच्या खात्यात जमा केले जातात. म्हणजेच एका वर्षात पात्र ठरणाऱ्या लाभार्थी शेतकऱ्यांच्या खात्यात दोन हजार रुपयांचे तीन हप्ते जमा होतात. या पैशांमुळे शेतकऱ्यांना शेती कामांमध्ये आर्थिक मदत मिळते.
या पैशामुळे शेतकऱ्यांना आपल्या संसाराच्या छोट्या मोठ्या गरजा सुद्धा भागवता येतात. हेच कारण आहे की ही योजना सुरू झाल्यापासूनच लोकप्रिय आहे. या योजनेच्या माध्यमातून पात्र ठरणाऱ्या शेतकऱ्यांच्या खात्यात दोन हजार रुपयांचे एकूण 20 हप्ते जमा करण्यात आले आहेत.
महत्त्वाची बाब म्हणजे या चालू आठवड्यात या योजनेचा 21 वा हप्ता पात्र ठरणाऱ्या शेतकऱ्यांच्या खात्यात जमा करण्यात येईल अशी माहिती विश्वसणीय सूत्रांकडून देण्यात आली असल्याचा दावा एका प्रतिष्ठित मीडिया रिपोर्ट मध्ये करण्यात आला आहे.
अद्याप शासनाने या संदर्भात कोणतीच अधिकृत माहिती दिलेली नाही पण मीडिया रिपोर्ट मध्ये या योजनेचा 21 वा हप्ता या आठवड्यात पात्र शेतकऱ्यांच्या खात्यात वर्ग होईल असा दावा करण्यात आला आहे. नक्कीच या आठवड्यात या योजनेचे दोन हजार रुपये जमा झालेत तर शेतकऱ्यांना मोठा दिलासा मिळणार आहे.
