PNB 400 Days FD Scheme : सध्या भारतीय शेअर बाजारात मोठ्या प्रमाणात घसरण होत आहे. सप्टेंबर 2024 पासून स्टॉक मार्केटमध्ये डाऊनफॉल सुरू झाला जो आजपर्यंत कायम आहे. यामुळे गुंतवणूकदार मोठ्या प्रमाणात अस्वस्थ झाले असून गुंतवणूकदारांचे हजारो कोटी रुपयांचे नुकसान झाले आहे.
हेच कारण आहे की आता अनेकजण शेअर मार्केट ऐवजी सुरक्षित गुंतवणुकीला प्राधान्य देत आहेत. सुरक्षित गुंतवणुकीसाठी बँकेच्या एफडी योजनांमध्ये मोठ्या प्रमाणात गुंतवणूक सुरू झाली आहे.
दरम्यान जर तुम्हालाही फिक्स डिपॉझिट मध्ये गुंतवणूक करायची असेल तर तुमच्यासाठी आजची बातमी कामाची ठरणार आहे. कारण आज आपण देशातील तिसऱ्या सर्वात मोठ्या सरकारी बँकेच्या चारशे दिवसांच्या एफडी योजनेची माहिती पाहणार आहोत.
पंजाब नॅशनल बँक ही देशातील तिसरी सर्वात मोठी सरकारी बँक असून आज आपण या बँकेच्या चारशे दिवसांच्या एफडी योजनेची तपशीलवार माहिती जाणून घेणार आहोत.
कशी आहे पंजाब नॅशनल बँकेची चारशे दिवसांची एफडी योजना?
पंजाब नॅशनल बँक आपल्या ग्राहकांसाठी सात दिवसांपासून ते दहा वर्ष कालावधीची एफडी योजना ऑफर करते. या विविध कालावधीच्या योजनांमध्ये गुंतवणूक करणाऱ्यांना 3.50 टक्क्यांपासून ते 7.25 टक्के दराने व्याज दिले जात आहे.
या बँकेकडून ग्राहकांसाठी 400 दिवसांची एफडी योजना देखील सुरू करण्यात आली आहे. पंजाब नॅशनल बँकेच्या चारशे दिवसांच्या एफडी योजनेत गुंतवणूक करणाऱ्या सामान्य ग्राहकांना 7.25 टक्के दराने परतावा दिला जात आहे.
दुसरीकडे याच कालावधीच्या एफडी योजनेत गुंतवणूक करणाऱ्या ज्येष्ठ नागरिक ग्राहकांना म्हणजेच 60 वर्षांवरील नागरिकांना 0.50% अतिरिक्त व्याज दिले जात आहे, अर्थातच ज्येष्ठ नागरिक ग्राहकांना 400 दिवसांच्या एफडी योजनेतून 7.75 टक्के दराने परतावा मिळत आहे.
चार लाखाची गुंतवणूक केल्यास किती रिटर्न मिळणार?
सामान्य ग्राहकांनी पीएनबीच्या या चारशे दिवसांच्या योजनेत चार लाख रुपयांची गुंतवणूक केली तर त्यांना 7.25 टक्के दराने मॅच्युरिटीवर चार लाख 32 हजार 536 रुपये मिळतात म्हणजेच 32,536 रुपये व्याज स्वरूपात रिटर्न दिले जातात.
जर समजा याच योजनेत ज्येष्ठ नागरिक ग्राहकांनी चार लाख रुपये गुंतवले तर त्यांना 7.75 टक्के दराने मॅच्युरिटीवर 4,34,869 रुपये मिळतात. अर्थात ज्येष्ठ नागरिक ग्राहकांना 34,869 रुपये व्याज स्वरूपात रिटर्न दिले जातात.
