Post Office FD Scheme : तुम्हीही एफडी मध्ये गुंतवणुकीच्या तयारीत आहात का ? अहो मग आजची बातमी तुमच्याच कामाची आहे. खरे तर गेल्या काही महिन्यांच्या काळात आरबीआयकडून रेपो रेटमध्ये मोठ्या प्रमाणात कपात करण्यात आली आहे.
गेल्या आर्थिक वर्षाच्या शेवटी आरबीआय कडून रेपो रेट 0.25 टक्क्यांनी कमी करण्यात आलेत, त्यानंतर या नव्या आर्थिक वर्षाच्या सुरुवातीला देखील आरबीआयकडून रेपो रेट 0.25 टक्क्यांनी कमी करण्यात आलेत.
म्हणजेच रेपो रेट गेल्या काही महिन्यांच्या काळात 0.50 टक्क्यांनी कमी झाले आहेत. दरम्यान, आरबीआयच्या या निर्णयानंतर देशभरातील विविध बँकांच्या माध्यमातून एफडीच्या व्याजदरात सुद्धा कपात करण्यात आली आहे.
मात्र आजही पोस्ट ऑफिसच्या एफडी योजनेचे व्याजदर कायम आहेत. त्यामुळे जर तुमचा एफडी करण्याचा प्लॅन असेल तर तुमच्यासाठी पोस्टाची एफडी योजना परफेक्ट ठरणार आहे. दरम्यान आज आपण पोस्ट ऑफिसच्या 36 महिन्याच्या एफडी योजनेची माहिती पाहणार आहोत.
कशी आहे पोस्टाची तीन वर्षांची एफडी योजना
पोस्ट ऑफिस कडून आपल्या ग्राहकांसाठी एक वर्ष, दोन वर्ष, तीन वर्ष आणि पाच वर्ष कालावधीची एफडी योजना ऑफर केली जात आहे. यातील एका वर्षाच्या एफडी योजनेत गुंतवणूक करणाऱ्या गुंतवणूकदारांना 6.9% दराने, दोन वर्षांच्या एफडी योजनेत गुंतवणूक करणाऱ्या गुंतवणूकदारांना 7% दराने,
तीन वर्षांच्या एफडी योजनेत गुंतवणूक करणाऱ्या गुंतवणूकदारांना 7.10% दराने आणि पाच वर्ष कालावधीच्या एफडी योजनेत गुंतवणूक करणाऱ्या गुंतवणूकदारांना 7.50% दराने परतावा दिला जात आहे.
पोस्टाची 36 महिन्यांची म्हणजेच तीन वर्षांच्या एफडी योजनेत गुंतवणूक करणाऱ्या गुंतवणूकदारांना 7.10% दराने परतावा दिला जात असल्याने ही योजना ग्राहकांसाठी फायद्याची ठरते.
2 लाखाची गुंतवणूक केल्यास किती रिटर्न मिळणार ?
पोस्टाच्या 36 महिन्यांच्या एफडी योजनेत दोन लाखाची आणि 4 लाखाची गुंतवणूक केल्यास किती रिटर्न मिळणार ? तर, पोस्ट ऑफिसच्या एफडी कॅल्क्युलेटर नुसार,
जर पोस्टाच्या तीन वर्षांच्या एफडी योजनेत दोन लाखाची गुंतवणूक केली तर सदर गुंतवणूकदाराला 7.10% दराने दोन लाख 47 हजार पंधरा रुपये मिळणार आहेत म्हणजेच 47 हजार 15 रुपये व्याज स्वरूपात रिटर्न मिळतील.
जर समजा याच एफडी योजनेत चार लाखाची गुंतवणूक केली तर 7.10% दराने मॅच्युरिटीवर म्हणजेच 36 महिन्यांचा काळ पूर्ण झाल्यानंतर चार लाख 94 हजार 30 रुपये मिळणार आहेत म्हणजेच 94 हजार 30 रुपये व्याज स्वरूपात रिटर्न मिळणार आहेत.
