Post Office Scheme : गेल्या काही महिन्यांमध्ये देशातील विविध बँकांच्या माध्यमातून एफडी व्याजदरात कपात करण्यात आली आहे. खरंतर गेल्या आर्थिक वर्षाच्या शेवटी आणि या चालू आर्थिक वर्षाच्या सुरुवातीला आरबीआयने रेपो रेट मध्ये कपात केली.
आरबीआयच्या या निर्णयानंतर देशभरातील अनेक बँकांकडून एफडीच्या व्याजदरात कपात करण्यात आली. एफडी व्याजदरात कपात करण्यासोबतच बँकांच्या माध्यमातून होम लोन आणि विविध कर्जाच्या व्याजदरात सुद्धा कपात करण्यात आली होती.
यामुळे, होम लोन घेणाऱ्या ग्राहकांना दिलासा मिळाला आहे तर दुसरीकडे एफडी मध्ये गुंतवणूक करणाऱ्यांना याचा मोठा फटका बसतोय. मात्र आरबीआयच्या निर्णयानंतर देखील पोस्ट ऑफिसच्या एफडी योजनेचे व्याजदर कायम आहेत.
यामुळे पोस्टाची एफडी योजना ग्राहकांसाठी अजूनही फायद्याची ठरत आहे. महत्वाची बाब अशी पोस्टाच्या एफडी योजनेतून फक्त व्याजातूनच तीन लाख रुपये मिळणार आहेत.
कशी आहे पोस्टाची एफडी योजना ?
खरंतर पोस्ट ऑफिस कडून टाइम डिपॉझिट योजना सुरू करण्यात आली आहे. या योजनेचे स्वरूप बँकांच्या एफडी योजनेप्रमाणे आहे आणि यामुळे याला पोस्टाची एफडी योजना म्हणतात.
पोस्टाची एफडी योजना एक वर्ष दोन वर्ष तीन वर्ष आणि पाच वर्षांची आहे. यातील एका वर्षाच्या एफडी योजनेत गुंतवणूक करणाऱ्या गुंतवणूकदारांना 6.9%, दोन वर्षांच्या एफडी योजनेत गुंतवणूक करणाऱ्या गुंतवणूकदारांना सात टक्के,
तीन वर्षांच्या एफडी योजनेत गुंतवणूक करणाऱ्या गुंतवणूकदारांना 7.10% आणि पाच वर्ष एफडी योजनेत गुंतवणूक करणाऱ्या गुंतवणूकदारांना 7.50% दराने रिटर्न दिले जात आहेत.
कसे मिळणार तीन लाख रुपयांचे व्याज ?
पोस्ट ऑफिसच्या पाच वर्षांच्या एफडी योजनेत गुंतवणूक करणाऱ्या गुंतवणूकदारांना 7.50% दराने परतावा दिला जात असून यामध्ये जर गुंतवणूकदारांनी सात लाख रुपयांची गुंतवणूक केले तर त्यांना तीन लाखापेक्षा अधिकचे व्याज मिळणार आहे.
या योजनेत सात लाखांची गुंतवणूक केल्यास मॅच्युरिटीवर म्हणजेच पाच वर्षांचा कालावधी पूर्ण झाल्यानंतर दहा लाख 14 हजार 964 रुपये मिळणार आहेत. म्हणजेच पोस्टाच्या या योजनेतून तीन लाख 14 हजार 964 रुपये व्याज स्वरूपात मिळणार आहेत.
नक्कीच जर तुम्ही पोस्टाच्या पाच वर्षांच्या एफडी योजनेत सात लाखांची गुंतवणूक केली तर तुम्हाला व्याज म्हणून तीन लाख रुपये रिटर्न मिळणार आहेत.
