Post Office Scheme : सुरक्षित गुंतवणुकीच्या विचारात आहात का ? मग आजची ही बातमी तुमच्या कामाची राहणार आहे. खरंतर, अलीकडे सुरक्षित गुंतवणुकीसाठी पोस्ट ऑफिसच्या बचत योजनांमध्ये मोठ्या प्रमाणात गुंतवणूक केली जात आहे. पोस्ट ऑफिसच्या बचत योजनांमध्ये गुंतवणूक करणाऱ्या गुंतवणूकदारांना चांगले व्याजही मिळते.
दरम्यान, जर तुम्ही सुरक्षित गुंतवणुकीसाठी पोस्ट ऑफिसच्या बचत योजनेत गुंतवणूक करण्याच्या तयारीत असाल तर तुमच्यासाठी पोस्टाची टाईम डिपॉझिट योजना एक फायद्याचा सौदा सिद्ध होणार आहे.
पोस्टाची ही एक अशी बचत योजना आहे ज्याचे स्वरूप अगदीच बँकेच्या एफडी योजनेप्रमाणे आहे. दरम्यान, आता आपण पोस्ट ऑफिसच्या दोन वर्षांच्या टाईम डिपॉझिट योजनेची माहिती जाणून घेणार आहोत.
कशी आहे पोस्टाची टाईम डिपॉझिट योजना ?
पोस्ट ऑफिसची टाइम डिपॉझिट योजना एक वर्ष, दोन वर्ष, तीन वर्षे आणि पाच वर्षांची असते. पोस्ट ऑफिसच्या एक वर्षाच्या टाईम डिपॉझिट योजनेत गुंतवणूक करणाऱ्या गुंतवणूकदारांना 6.9% दराने रिटर्न दिले जातात.
पोस्ट ऑफिसच्या दोन वर्षांच्या टाईम डिपॉझिट योजनेत गुंतवणूकदारांना सात टक्के दराने रिटर्न दिले जातात. पोस्ट ऑफिसच्या तीन वर्षांच्या टाईम डिपॉझिट योजनेत गुंतवणूक करणाऱ्या गुंतवणूकदारांना 7.10% दराने आणि पाच वर्षांच्या टाईम डिपॉझिट योजनेत गुंतवणूक करणाऱ्या गुंतवणूकदारांना 7.50% दराने परतावा दिला जातोय.
पोस्ट ऑफिसच्या टिडी योजनेतून मिळणार जबरदस्त रिटर्न
पोस्ट ऑफिसची टाईम डिपॉझिट योजना ही बँकेच्या एफडी योजनेप्रमाणेच आहे. पोस्ट ऑफिसची दोन वर्षांची टाईम डिपॉझिट योजना सध्या गुंतवणूकदारांना सात टक्के दराने परतावा देत आहे.
यात गुंतवणूक करणाऱ्या गुंतवणूकदारांना वार्षिक सात टक्के दराने व्याज दिले जात असून यामध्ये गुंतवणूक करणाऱ्या सर्वच वयोगटातील लोकांसाठी हे व्याजदर लागू होते.
2 लाखाची गुंतवणूक केल्यास किती रिटर्न मिळणार ?
पोस्ट ऑफिसच्या दोन वर्षांच्या टाईम डिपॉझिट योजनेत दोन लाखाची गुंतवणूक केल्यास दोन लाख 29 हजार 776 रुपये इतके मिळणार आहेत. म्हणजेच गुंतवणूकदारांना यातून 29,776 रुपये व्याज स्वरूपात रिटर्न मिळतील.
