Post Office Vs SBI FD Scheme : जर तुम्हीही फिक्स डिपॉझिट मध्ये गुंतवणूक करू इच्छित असाल तर तुमच्यासाठी आजची ही बातमी फारच कामाची राहणार आहे. आज आपण पोस्ट ऑफिसच्या एफडी योजनेची आणि स्टेट बँक ऑफ इंडियाच्या एफडी योजनेची तुलना करणार आहोत.
बँकेप्रमाणेच पोस्ट ऑफिस कडूनही एफडी योजना ऑफर केली जात आहे. पोस्ट ऑफिस एक, दोन, तीन आणि पाच वर्षांच्या कालावधीची एफडी योजना ऑफर करते.
दरम्यान आज आपण पोस्ट ऑफिसच्या पाच वर्षांच्या आणि एसबीआयच्या पाच वर्षांच्या एफडी योजनेची तुलना करणार आहोत आणि सर्वात जास्त परतावा कोणत्या ठिकाणी मिळतो याबाबतच संपूर्ण कॅल्क्युलेशन जाणून घेण्याचा थोडक्यात प्रयत्न करणार आहोत.
कोणती एफ डी योजना ठरणार फायदेशीर
खरे तर, पोस्ट ऑफिसच्या माध्यमातून एफडी योजना ऑफर केली जात नाही मात्र टाईम डिपॉझिट योजना ऑफर केली जाते ज्यालाच पोस्टाची एफडी योजना म्हणून ओळखतात.
पोस्ट ऑफिसच्या एका वर्षाच्या एफडी योजनेत गुंतवणूकदारांना 6.9% दराने, दोन वर्षाच्या एफडी योजनेत सात टक्के दराने, तीन वर्षांच्या एफ डी योजनेत 7.10% दराने आणि पाच वर्षांच्या एफडी योजनेत 7.50% दराने रिटर्न दिले जात आहेत.
म्हणजेच जर पोस्ट ऑफिसच्या पाच वर्षांच्या एफडी योजनेत एखाद्या गुंतवणूकदाराने पाच लाख रुपयांची गुंतवणूक केली तर त्याला मॅच्युरिटीवर सात लाख 24 हजार 974 रुपये मिळणार आहेत यामध्ये दोन लाख 24 हजार 974 रुपये व्याज स्वरूपात रिटर्न मिळतील. सामान्य ग्राहक असो किंवा सीनियर सिटीजन दोघांना पोस्टाच्या या योजनेतून सारखाच लाभ मिळतो.
दुसरीकडे एसबीआयच्या पाच वर्षांच्या एफडी योजनेबाबत बोलायचं झालं तर येथे सामान्य ग्राहकांना आणि ज्येष्ठ नागरिक ग्राहकांना वेगवेगळे व्याजदर लागू आहेत. स्टेट बँक ऑफ इंडिया कडून पाच वर्षांच्या एफडी योजनेत गुंतवणूक करणाऱ्या सामान्य ग्राहकांना सध्या 6.50% दराने रिटर्न दिले जात आहेत.
म्हणजेच जर एखाद्या सामान्य ग्राहकाने या एफडी योजनेत पाच लाखाची गुंतवणूक केली तर त्याला सहा लाख 90 हजार 210 रुपये मिळणार आहे म्हणजेच एक लाख 90 हजार 210 रुपये त्याला रिटर्न मिळतील. पण जर सीनियर सिटीजन ग्राहकाने एसबीआयच्या पाच वर्षांच्या एफडी योजनेत गुंतवणूक केली तर त्यांना 7.50% दराने परतावा दिला जाणार आहे.
म्हणजेच सीनियर सिटीजन ग्राहकांसाठी पोस्टाची पाच वर्षांची एफडी योजना आणि एसबीआयची पाच वर्षांची एफडी योजना दोन्हीही सारख्याच आहेत. मात्र जे सामान्य ग्राहक असतील त्यांच्यासाठी पोस्टाची पाच वर्षांची एफडी योजना अधिक फायद्याची ठरणार आहे.
