Post Office Scheme : पोस्ट ऑफिस मध्ये गुंतवणूक करणाऱ्या गुंतवणूकदारांसाठी आजची बातमी खास ठरणार आहे. खरे तर अलीकडे शेअर मार्केट आणि म्युच्युअल फंड मध्ये गुंतवणूक करणाऱ्यांची संख्या झपाट्याने वाढली आहे. आगामी काळात ही संख्या आणखी वाढणारच आहे या शंकाच नाही. पण असे असले तरी आजही काही लोक सुरक्षित गुंतवणुकीला प्राधान्य दाखवतात. सुरक्षित गुंतवणुकीसाठी गुंतवणूकदारांच्या माध्यमातून पोस्ट ऑफिसच्या बचत योजनांमध्ये तसेच बँकांच्या एफडी योजनांमध्ये मोठ्या प्रमाणात गुंतवणूक केली जात आहे. दरम्यान जर तुम्हाला ही पोस्टाच्या एखाद्या बचत योजनेत पैसा गुंतवायचा असेल तर तुमच्यासाठी आज आम्ही अशाच एका बचत योजनेची माहिती घेऊन आलो आहोत. आज आम्ही तुम्हाला पोस्ट ऑफिस चा टाईम डिपॉझिट योजनेची माहिती सांगणार आहोत ज्याला पोस्टाची एफडी योजना म्हणूनही ओळखले जाते.
कशी आहे पोस्टाची एफडी योजना?
पोस्टाची एफडी योजना म्हणजेच टाईम डिपॉझिट योजना ही एक वर्ष ते पाच वर्ष मुदतीची असते. यात एका वर्षाच्या टाईम डिपॉझिट योजनेत गुंतवणूक करणाऱ्या गुंतवणूकदारांना 6.90% दराने, दोन वर्षांच्या टाईम डिपॉझिट योजनेत गुंतवणूक करणाऱ्या गुंतवणूकदारांना सात टक्के दराने, तीन वर्षांच्या टाईम डिपॉझिट योजनेत गुंतवणूक करणाऱ्या गुंतवणूकदारांना 7.10% आणि पाच वर्षांच्या टाईम डिपॉझिट योजनेत गुंतवणूक करणाऱ्या गुंतवणूकदारांना 7.50% दराने परतावा दिला जात आहे. आता आपण दोन वर्षांच्या पोस्टाच्या एफडी योजनेत पाच लाखाच्या गुंतवणुकीवर किती रिटर्न मिळणार याच कॅल्क्युलेशन समजून घेणार आहोत
पाच लाखाच्या गुंतवणुकीतून किती रिटर्न मिळणार?
समजा पोस्ट ऑफिसच्या दोन वर्षांच्या टाईम डिपॉझिट योजनेत एखाद्या गुंतवणूकदाराने पाच लाखाची गुंतवणूक केली तर त्याला वार्षिक सात टक्के दराने पाच लाख 74 हजार 741 रुपये मिळणार आहेत. म्हणजेच 74,741 रुपये व्याज स्वरूपात रिटर्न मिळणार आहेत. मात्र जर याच कालावधीच्या एफडी योजनेत एखाद्या गुंतवणूकदाराने दहा लाख रुपयांची गुंतवणूक केली तर त्याला मॅच्युरिटीवर म्हणजेच 24 महिन्यांचा काळ पूर्ण झाल्यानंतर 11 लाख 48 हजार 882 रुपये मिळणार आहेत, म्हणजेच एक लाख 48,882 रुपये व्याज स्वरूपात रिटर्न मिळणार आहेत. नक्कीच जर तुम्हाला सुरक्षित ठिकाणी गुंतवणूक करायची असेल तर पोस्टाचा हा पर्याय तुमच्यासाठी सर्वोत्कृष्ट ठरणार आहे.
