Punjab National Bank FD Scheme : पंजाब नॅशनल बँक ही देशातील एक प्रमुख सरकारी बँक आहे. ही बँक आपल्या ग्राहकांना अल्प व्याजदरात विविध प्रकारचे कर्ज उपलब्ध करून देते. यासोबतच ही बँक ग्राहकांना आकर्षित करण्यासाठी एफ डी वर देखील अधिकचा परतावा देत आहे.
दरम्यान, आज आपण पंजाब नॅशनल बँकेच्या 300 दिवसांच्या एफडी योजनेची माहिती जाणून घेण्याचा प्रयत्न करणार आहोत. त्यामुळे जर तुम्हीही आगामी काळात या बँकेच्या एफडी योजनेत गुंतवणूक करू इच्छित असाल तर तुमच्यासाठी आजची ही बातमी कामाची ठरणार आहे.
पंजाब नॅशनल बँकेची 300 दिवसांची एफडी योजना
जर तुम्हाला अल्पकालावधीच्या एफडी योजनेत गुंतवणूक करायची असेल तर पंजाब नॅशनल बँकेची 300 दिवसांची एफडी योजना तुमच्यासाठी नक्कीच फायद्याची ठरणार आहे. या तीनशे दिवसांच्या एफडी योजनेतून ग्राहकांना चांगला परतावा मिळतोय.
मिळालेल्या माहितीनुसार पंजाब नॅशनल बँक तीनशे दिवसांच्या एफडी योजनेत गुंतवणूक करणाऱ्या सामान्य ग्राहकांना 7.10% या रेटने परतावा देत आहे दुसरीकडे याच कालावधीच्या एफडी योजनेत गुंतवणूक करणाऱ्या सीनियर सिटीजन ग्राहकांना 7.60% या रेटने परतावा दिला जात आहे. अर्थातच सामान्य ग्राहकांपेक्षा सिनिअर सिटीजन ग्राहकांना बँकेकडून अधिकचा परतावा मिळतोय.
10 लाख रुपये गुंतवले तर किती रिटर्न मिळणार
पंजाब नॅशनल बँकेच्या तीनशे दिवसांच्या एफडी योजनेत जर एखाद्या सामान्य ग्राहकाने 10 लाख रुपयांची गुंतवणूक केली तर त्याला मॅच्युरिटी वर अर्थातच 300 दिवसांचा काळ पूर्ण झाल्यानंतर दहा लाख 59 हजार 590 रुपये मिळणार आहेत.
अर्थातच 59 हजार 590 रुपये रिटर्न म्हणून मिळणार आहेत. दुसरीकडे याच कालावधीच्या एफडी योजनेत सीनियर सिटीजन ग्राहकांनी दहा लाख रुपये गुंतवले तर त्यांना मॅच्युरिटी वर दहा लाख 63 हजार 834 रुपये मिळणार आहेत.
